ہم تورا طلاق دئی چھییؤ

 (295)

ہم تورا طلاق دئی چھییؤ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمت الله وبركاته 

کیا فرماتے ہیں علمائے دین و مفتیان شرع متین مسئلہ ذیل کے بارے میں کہ 

ایک لڑکا اپنی بیوی کو فون پر طلاق دیا ان الفاظ کے ساتھ : *ہم تورا طلاق دئی چھییؤ* ! میتھلی میں شاید اس کا اردو ترجمہ میں تمکو طلاق دے رہا ہوں تو اس صورت میں کونسی طلاق واقع ہوئی اور کیا حکم ہے واضح فرما دیں اور اس نے کئی بار یہ لفظ دہرایا 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 محمد عالم اویسی نیپال

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل 

شوہر کا قول ہم تورا طلاق دئی چھییؤ۔ یہ نیپالی میتھلی زبان یے جس کا معنی ہوا ۔میں تم کو طلاق دے رہا ہوں۔اور یہ طلاق کے لیے صریح ہے خواہ ڈرانے دھمکانے  کی غرض سے کہا  گیا ہو یا طلاق کی نیت سے بہرحال طلاق واقع ہو جاتی ہے۔مسئلہ مسئولہ میں  مذکورہ جملہ چونکہ کئی بار دہرایا یے اس لئے 3 سے طلاق مغلظہ واقع ہوگی اور باقی عبث۔ اب زید و ہند ہ دونوں اجنبی ہیں۔ حلالہ کے بغیر رجوع کی کوئی صورت نہیں ہے۔ 

یاد رہے کہ ہم تورا طلاق دیئی چھیو یعنی میں تجھے طلاق دے رہا ہوں۔ الفاظ صریح سے ہے اور حال کے لیے استعمال ہوا ہے۔

فتاوی شامی میں ہے:

"و كذا المضارع إذا غلب في الحال مثل أطلقك كما في البحر"۔(کتاب الطلاق،: ج3، ص: 348) 

فتاوی عالمگیری میں ہے:

في المحيط: "لو قال بالعربية: أطلق، لايكون طلاقاً إلا إذا غلب استعماله للحال فيكون طلاقاً".

(کتاب الطلاق، الفصل السابع في الطلاق بالألفاظ الفارسية، ج: 1، ص: 384)

بہار شریعت میں ہے:

"عورت سے کہا تجھے طلاق دیتا ہوں یا کہا تو مطلقہ ہو جا تو طلاق ہو گئی، مگر یہ لفظ کہ طلاق دیتا ہوں  یا چھوڑتا ہوں اس کے یہ معنے لیے کہ طلاق دینا چاہتا ہوں  یا چھوڑ نا چاہتا ہوں تو دیانتہً نہ ہوگی قضاء  ہو جائے گی"۔(ج2، ص117، مکتبۃ المدینہ)

اسی طرح کے ایک سوال کے جواب میں حضور فقیہ ملت علیہ الرحمہ تحریر فرماتے ہیں:

"زید کی بیوی پر طلاق مغلظہ واقع ہو گئی"۔(فتاوی فیض الرسول، ج2، ص241) 

جاصل کلام یہ ہے کہ ہمارے یہاں میتھلی زبان میں ( ہم تورا طلاق دئی چھیو) 

مذکورہ جملے سے طلاق ہی سمجھے جاتے ہیں کہ میں تھجے طلاق دے رہا ہوں نہ کہ میں تجھے طلاق دوں گا۔ 

لہذا فقہ کا قاعدہ ہے: "المعروف کالمشروط"۔ یعنی جہاں جو مشہور و معروف اور رائج ہے اسی کا اعتبار کیا جاتا ہے۔

لہذا صورت مسئولہ میں طلاق مغلظہ واقعی ہو چکی ہے، اب اگر دونوں ساتھ رہنا چاہتے ہیں تو بغیر حلالہ کے دوسری کوئی صورت نہیں ہے۔

والله ورسوله أعلم بالصواب 

كتبه محمد مجیب قادري لهان ١٨خادم دارالافتاء البركاتي علماء فاونڈیشن ضلع سرہا نیپال