زید مسلم نے غیر مسلم لڑکی سے زنا کیا ایک بچہ پیدا ہوا وہ مرگیا کیا بچے کی نماز جنازہ پڑھیں گے؟

 (294)

زید مسلم نے غیر مسلم لڑکی سے زنا کیا ایک بچہ پیدا ہوا وہ مرگیا کیا بچے کی نماز جنازہ پڑھیں گے؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمتہ اللہ وبرکاتہ 

کیا فرماتے ہیں علمائے کرام و مفتیان عظام اس مسئلہ میں کہ زید اور ہندہ ایک دوسرے سے محبت کرتے ہیں بات اتنی آگے نکل گئی کہ بغیر نکاح کے شکم سے ایک بچہ پیدا ہو گیا پھر چھ مہینہ یا سال بھر کے بعد ہندہ کے بچے کا انتقال ہوا تو کیا اس بچے کی نماز جنازہ پڑھی جائے گی ؟ واضح رہے کہ زید مومن ہے اور ہندہ کافرہ ہے اور بغیر نکاح کے دونوں ایک ساتھ ایک ہی گھر میں رہتے ہیں ۔ 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سائل محمد رفیع مرکزی بہرائچ شریف یوپی انڈیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل 

بصحت سوال زید ابھی بھی غیر مسلم عورت کے ساتھ رہتا ہے یہ حرام و گناہ ہے فورا ہندہ سے دور ہوجائے۔ اور زید نے جو زنا کر کے گناہ کبیرہ کا مرتکب ہواہے اسے چاہئے کہ فوری طور پر توبہ کرے اگر اسلامی حکومت ہوتی تو اس کو بہت سخت سزا دی جاتی اب چونکه اسلامی حکومت نھیں ہے اسی لئے وہ تو به کرے آئندہ گناہ نہ کرنے کا عہد کرے اور صدقہ و خیرات کرے کہ نیکیاں قبولِ تو بہ میں معاون ہوتی ہیں۔ قال اللہ تعالیٰ إِلَّا مَنْ تَابَ وَآمَنَ وَعَمِلَ عَمَلًا صَالِحًا فَأُولَئِكَ يُبَدِّلُ اللَّهُ سَيِّأَتِهِمْ حَسَنَتٍ۔

مگر جو توبہ کرے اور ایمان لائے اور اچھا کام کرے تو ایسوں کی برائیوں کو اللہ نیکیوں سے بدل دے گا !

صورت مستفسرہ میں بچےکی نماز جنازہ پڑھی جائے گی ، زانی باپ مسلم ہے اور بچہ چونکہ مسلم مرد کا ہے اس لئے مسلمان ہے!

كل مولود يولد على الفطرة" کی دلیل سے ، اس لئے قبل بلوغ نا سمجھی کی عمر تک اس کا جنازہ پڑھا جائے گا .

حضور صدر الشريعه عليه الرحمہ فرماتے ہیں !

چھوٹے بچے کے ماں باپ دونوں مسلمان ہوں یا ایک تو وہ مسلمان ہے اُس کی نماز پڑھی جائے اور دونوں کافر ہیں تو نھیں"(بهار شریعت جلد اول صفحه ۸۳۶ مكتبة المدينه)

ایک مقام پر فرماتے ہیں 

مسلمان کا بچہ کافرہ سے پیدا ہوا اور وہ اُس کی منکوحہ نہ تھی، یعنی وہ بچہ زنا کا ہے تو اُس کی نماز پڑھی جائے۔ (بہارشریعت ح 4 ص 847 مکتبہ المدینہ)

واللہ ورسولہ اعلم بالصواب 

كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال