زمین کی دلالی کرنا شرعا کیسا یے؟

(271)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمۃ اللہ

کیا فرماتے ہیں علمائے دین مسئلہ ذیل کے بارے میں زید کے پاس پلاٹ ہے زید نے بقر سے کہا تو میرا پلاٹ بکوادے میں تجھے ہر پلاٹ سے ۳۰۰۰ ہزار روپیہ دونگا کیا یہ پیسہ جائز ہیں ما حوالہ جواب عنایت فرمائیں عین نوازش ہوگی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سائل محمد حسنین رضا پیلی بھیت شریف یوپی انڈیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم

وعلیکم السلام ورحمة الله وبركاته

الجواب بعونه تعالي عز وجل

مسئلہ مسئولہ میں اگر دلال پہلے سے اجرت طے کرلیتا ہے پھر جو خریدنے والے کے لیے محنت اور بھاگ دوڑ کرتا ہے، دھوکہ، فریب، بے ایمانی نہیں کرتا ہے، سب کام جائز طریقہ پر کرتا ہے تو دلال کے لیے اپنا حق المحنت طے شدہ کے مطابق لینا جائز ہے۔

شخص مذکور کا کام جائز اور اس کا پیسہ حلال ہے کیونکہ اسے ہی دلالی کرنا کہتے ہیں لیکن..اس پیشہ کو ذلت والا پیشہ قرار دیا گیا ہے،

فتاوٰی رضویہ میں ہے

دلالی ایک ذلیل پیشہ ہے ذلت کی نگاہ سے دیکھا جاتاہے، فتح القدیر میں دلال کو خاکروب و حجام کے ساتھ شمار کیا ہے عبارت یہ ہے:

اماشہادۃ اہل الصناعات الدنئیۃ کالکساح والزبال والحائک والحجام والاصح انھا تقبل لانہا قدتولاھاقوم صالحون فمالم یعلم القادح لایبنی علی الصناعۃ ومثلہ النخاسون و الدلالون ۔

ترجمہ :گھٹیا کاروبار کرنے والوں کی شہادت مثلا جاروب کش، ماشکی، جولاہا، حجام کی، تواصح یہی ہے کہ قبول کی جائے گی کیونکہ یہ کام بہت سے صالح اور بزرگ لوگ بھی اپناتے رہے تو جب تک واضح طور پر مانع طعن وجرح نہ ہو محض کسی کاروبار کو عدم صحت شہادت کی بنیاد نہیں بنایا جاسکتا اور اسکی مثل حکم ہے جانور ہانکنے والوں اور دلالوں کا -

۔(فتح القدیر، باب من تقبل شہادۃ الخ، مکتبہ نوریہ رضویہ سکھر، ۶/ ۴۸۶)

نیز کچھ آگے مزید تحریر فرماتے ہیں :

دلال کا کام یہ ہے کہ مشتری سے بڑھوائے یا بائع سے گھٹوائے جوڑ توڑ لگا کر جھوٹ سچ ملاکر نرم گرم کراکر سودا کرادے اور اپنے ٹکے سیدھے کرے(جس میں بہت سی شرعی خرابیاں ہیں)

-(فتاویٰ رضویہ ،کتاب السیر جلد ١٤ ،صفحہ نمبر ٦٦٨)

واللہ ورسولہ اعلم بالصواب

كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال