کیا حاملہ عورت مرد ڈاکٹر سے الٹرا ساؤنڈ کرواسکتی ہے؟

 (272)

کیا حاملہ عورت مرد ڈاکٹر سے الٹرا ساؤنڈ کرواسکتی ہے؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمتہ اللہ وبرکاتہ 

کیا فرماتے ہیں علمائے کرام و مفتیان عظام اس مسٔلہ ذیل کے بارے میں کہ عورت حمل میں مرد ڈاکٹر سے الٹرا ساؤنڈ کروانا کیسا ہے ؟

جواب عنایت فرمائیں 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سائل محمد شاہ جمال اشرفی گڈا جھارکھنڈ انڈیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل

یہ معلوم کرنے کے لیے کہ عورت کے پیٹ میں لڑکا ہے یا لڑکی الٹراساونڈ کروا نا جائز نہیں کیونکہ اس الٹراساونڈ میں بلاوجہ شرعی عورت کا اپنے ستر کودوسروں کے سامنے کھولنا اور دوسرے کا بلاوجہ شرعی اسے دیکھنا اورچھونا پایا جاتاہے اوریہ دونوں کام ناجائزہیں۔اگر چہ  الٹراساونڈ کرنے والی عورت ہی کیوں نہ ہو۔

واضح رہے کہ حاملہ خواتین کا الٹراساؤنڈ صرف بچے کی جنس معلوم کرنے کے لیے نہیں ہوتا بلکہ اس کا مقصد زچہ و بچہ کی صحت و تندرستی معلوم کرنا بھی ہوتا ہے، تاکہ کسی معذوری یا بیماری کی صورت میں بروقت اعلاج ممکن ہو سکے۔ یہ ایک سہولت ہے جس سے فائدہ اٹھانے میں شرعاً کوئی حرج نہیں۔

ہاں لیڈی ڈاکٹر سے کروائے

تاہم اگر لیڈی ڈاکٹر دستیاب نہ ہو تو مرد ڈاکٹر بھی عورت کا اعلاج کر سکتا ہے۔

یاد رہے کہ اگر معالج طبیب کی ہدایت کے موافق عورت کے لیے الٹرا ساؤنڈ کروانا ناگزیر ہو تو الٹرا ساؤنڈ کروانے کے لیے اگر ستر کھولناضروری ہو تو عورتوں کو چاہیے کہ اپنا الٹرا ساؤنڈ کسی خاتون معالج سے ہی کروائیں، جب تک عورت کے لیے کسی خاتون معالج سے الٹرا ساؤنڈ کروانا ممکن ہو اس وقت تک عورت کے لیے کسی مرد معالج سے الٹرا ساؤنڈ کروانا جائز نہیں ہے۔  

درر الحکام میں ہے

(ورجل يداويها فينظر إلى موضع مرضها بقدر الضرورة) وينبغي أن يعلم امرأة مداواتها لأن نظر الجنس إلى الجنس أخف ألا يرى أن المرأة تغسل المرأة بعد موتها دون الرجل".

۔(درر الحكام شرح غرر الأحكام، كتاب الكراهية والاستحسان،فصل عورة الرجل والمرأة، 1/ 314، دار احیاء الکتب العربیۃ)

واللہ ورسولہ اعلم بالصواب 

كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال