(273)
امام باڑے میں فاتحہ خوانی کرنے والے امام کے پیچھے نماز پڑھنا کیسا ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمۃاللہ وبرکاتہ
کیا فرماتے ہیں علمائے دین و مفتیان شرع متین مسئلہ ذیل کے بارے میں کہ
امام باڑے پر فاتحہ کرنا کیسا ہے؟ اور جو امام باڑے پر فاتحہ کرے اس کے پیچھے نماز پڑھنا کیسا ہے؟
مع حوالہ جواب تحریر فرمائیں عین نوازش ہوگی؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سائل عبدالحامد جھارکھنڈ انڈیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم
وعلیکم السلام ورحمة الله وبركاته
الجواب بعونه تعالي عز وجل
امام باڑے میں فاتحہ خوانی جائز نہیں ہے چونکہ امام باڑے کہتے ہیں مصنوعی کربلا اورفرضی قبر بنا کر اسے سیدنا امام حسین رضی اللہ عنہ کا روضہ سمجھنا پھر اس کے ساتھ امام پاک کے روضہ مبارک کی طرح برتاؤ کرنا ایسا کرنا حرام و گناہ ہے صاحب عقل یہ بخوبی جانتا ہے کہ فرضی روضہ ہرگزہرگز حضرت امام پاک کا روضہ نہیں ہے اور نہ ہی وہ کربلا ہے نہ وہ امام پاک کی بارگاہ یا آرام گاہ ہے پھر اس کے ساتھ اصل روضہ کی طرح برتاؤ کرنا کیوں کر جائز ہو سکتا ہے اسلام فرضی مصنوعی چیز کو حقیقی اور سچی ماننے کی تعلیم نہیں دیتا عوام کا یہ طریقہ بالکل غلط ہے اور اسے امام پاک کا روضہ سمجھ کر وہاں فاتحہ پڑھنے والے اور اسی طرح دوسرے امور انجام دینے والے گناہ گار ہیں (فتاوی مرکز تربیت افتاء ج دوم ص نمبر/ ٣٧٤)
امام باڑے میں فاتحہ پڑھنے والے کے پیچھے نماز پڑھنے کے بارے میں اصل یہ ہے کہ اگر وہ امام اہل تشیع کا سا عقیدہ رکھتا یے جیسا کہ امام باڑے کے متعلق اوپر مذکور ہوا ہھر اس کے پیچھے نماز پڑھنا مکروہ تحریمی واجب الاعادہ ہے اور اگر معاملہ اس کے برعکس ہے ہھر نماز جائز یے۔
تاہم، احتیاط اسی میں ہے کہ ایسے شخص کے پیچھے نماز پڑھنے سے گریز کیا جائے اور کسی ایسے امام کے پیچھے نماز پڑھی جائے جو اہل سنت والجماعت کے عقیدے پر کاربند ہوں۔
واللہ ورسولہ اعلم بالصواب
كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
0 تبصرے