طلاق و خلع سے پہلے لڑکی کا نکاح کرنا شرعا کیا حکم ہے؟

 (293)

طلاق و خلع سے پہلے لڑکی کا نکاح کرنا شرعا کیا حکم ہے؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمۃ اللہ وبرکاتہ 

کیا فرماتے ہیں علمائے کرام ومفتیان عظام اس مسئلے ذیل کے بارے میں کہ زید کی بیوی زید کے ساتھ رہنا نہیں چاہتی اور دونوں نے علحیدگی اختیار کر لی ہے زید نے اپنی بیوی کو حق مہر بھی ادا کردیا۔ دےدیا۔ لیکن اب زید کی بیوی دوسرا نکاح کرنا چاہتی ہے ـ لیکن زید نے ابھی اپنی بیوی کو طلاق نہیں دیا ہے۔ ( اور لڑکی زید کے ساتھ رہنا نہیں چاہتی ہے) اب اس صورت میں لڑکی دوسرا نکاح کر سکتی ہے يا لڑکی زید سے طلاق لے کر عدت بھی گزارے اُس کے بعد نکاح کرےگی۔ علحیدگی کی وجہ یہ ہے کہ اس میں حضرت بات اتنی بتائی گئی تھی کہ لڑکے میں کچھ پروبلم ہے جس کی وجہ سے لڑکی ماں نہیں بن سکتی اب اس صورت میں کیا ہو سکتا ہے جواب عنایت فرمائیں اور اگر پوری  ڈیٹیلس کی درکار ہے تو پوچھ کر وضاحت کر دینگےتفصیل سے جواب عنایت فرمائیے اپ لوگوں کی بہت بہت مہربانی ہوگی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سائل محمد نسیم احمد قادری ضلع بحرائیچ شریف الہند یو پی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل 

مذکورہ صورت میں ہندہ طلاق یا خلع لے کر عدت گزار کر پھر دوسرا نکاح کر سکتی ہے ازیں قبل جائز نہیں ہے۔ ہندہ اب بھی زید کی بیوی ہے جبکہ زید طلاق نہ دیا ہو۔ 

الفتاوى الهندية میں ہے 

(القسم السادس المحرمات التي يتعلق بها حق الغير ) 

.لا يجوز للرجل أن يتزوج زوجة غيره وكذلك المعتدة ، كذا في السراج الوهاج۔(الفتاوى الهندية (6 / 496)

واللہ ورسولہ اعلم بالصواب 

كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال