(296)
کیا طلاق مغلظہ کے بعد مطلقہ بیوی اپنے کینسر مریض شوہر کی خدمت کر سکتی یے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمۃ اللہ وبرکاتہ
کیا فرماتے ہیں علماء کرام مفتیان عظام۔۔۔۔۔ایک انسان نے اپنی بیوی سے کہا اگر تو مکان بکوائے گی تو میں تجھ کو طلاق دے دوں گا یہ بات جو ہے تمام محلے والوں کو معلوم ہوگئی رشتے داروں کو معلوم ہو گئی رشتے دار بولے یہ طلاق ہو گئی ان کے میکے والوں نے ان کو روک لیا کچھ لوگ بولے اب بھیجیں گے تبھی جب اس کا حلال ہوگا طلاق پھر سے دیں گے پھر سے طلاق دلوایا ہاں اب اس بندے کو کینسر ہے لاسٹ اسٹیج پہ چل رہا ہے اور اس کی ایک بیٹی بھی ہے وہ اپنی ماں کے ساتھ رہتی ہے کیا وہ عورت اس ادمی کی خدمت کر سکتی ہے اس کا دیکھ بھال کرنے والا کوئی نہیں ہے نہ اس کو بھائی دیکھ رہا ہے نہ اس کی بہن دیکھ رہی ہے کوئی دیکھنے والا نہیں ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سائل محمد عامل رضا بریلوی۔ انڈیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم
وعلیکم السلام ورحمة الله وبركاته
الجواب بعونه تعالي عز وجل
میں تجھے طلاق دے دوں گا اس سے کوئی طلاق نہیں۔ جن رشتے داروں نے کہا صرف اس لفظ سے طلاق ہوگئی وہ شرعی مجرم ہے ایسے لوگ توبہ کرے بغیر علم کا مسئلہ بتانا حرام و گناہ ہے۔
البتہ چاہے جس طرح بھی اگر مریض زید نے پھر سے 3 طلاق دے دیا یے پھر طلاق مغلظہ واقع ہوگئی اب طلاقِ مغلظہ کے بعد، مطلقہ بیوی اپنے شوہر کی خدمت نہیں کر سکتی کیونکہ طلاق کی وجہ سے ان کے درمیان میاں بیوی کا رشتہ ختم ہو گیا ہے۔ دونوں آپس میں غیر محرم ہیں طلاق مغلظہ کا مطلب تین طلاقیں ہیں، جو دوبارہ نکاح کا حق ختم کر دیتی ہیں۔
حاصل کلام یہ ہے کہ تین طلاق کے بعداگر دونوں میاں بیوی مذکورہ چار دیواری میں بنے الگ الگ مکان میں اپنی جوان اولاد کے ساتھ پردہ کا خیال کرتے ہوئے اجنبیوں کی طرح اس طرح رہ سکتے ہوں کہ دونوں کا آمنا سامنا نہ ہو، اور گناہ میں مبتلا ہونے کا اندیشہ نہ ہو تو مذکورہ طریقہ سے دونوں الگ الگ مکان میں اپنی جوان اولاد کے ساتھ رہ سکتے ہیں،اور اگر مطلقہ اپنے سابقہ مریض شوہر کے کام کاج کرتی کھانا وغیرہ بنا کر دیے تو یہ اس کی طرف سے احسان ہوگا۔شرعی پردے میں رہ کر کھانا وغیرہ بنادے اور بیٹی کھلا دے۔
فتاوی شامی میں ہے
ولهما أن يسكنا بعد الثلاث في بيت واحد إذا لم يلتقيا التقاء الأزواج، ولم يكن فيه خوف فتنة انتهى.
وسئل شيخ الإسلام عن زوجين افترقا ولكل منهما ستون سنة وبينهما أولاد تتعذر عليهما مفارقتهم فيسكنان في بيتهم ولا يجتمعان في فراش ولا يلتقيان التقاء الأزواج هل لهما ذلك؟ قال: نعم، وأقره المصنف.
(قوله: وسئل شيخ الإسلام) حيث أطلقوه ينصرف إلى بكر المشهور بخواهر زاده، وكأنه أراد بنقل هذا تخصيص ما نقله عن المجتبى بما إذا كانت السكنى معها لحاجة، كوجود أولاد يخشى ضياعهم لو سكنوا معه، أو معها، أو كونهما كبيرين لا يجد هو من يعوله ولا هي من يشتري لها، أو نحو ذلك."
۔(كتاب الطلاق، باب العدۃ، فصل في الحداد، 3 /538،)
واللہ ورسولہ اعلم بالصواب
كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
0 تبصرے