کیا عورت اپنے دونوں ہاتھ چادر کے اندر رکھ کر نماز پڑھ سکتی ہے؟

 (297)

کیا عورت اپنے دونوں ہاتھ چادر کے اندر رکھ کر نماز پڑھ سکتی ہے؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

الســـلام علیکم ورحمۃ اللہ وبرکاتہ

کیا فرماتے ہیں علمائے دین و مفتیان شرع متین مسںٔلہ ذیل کے بارے میں اگر کوئی عورت بڑی چادر اوڑھ لیں اور نماز میں قیام رکوع سجدہ تشہد سب میں چادر کے اندر ہاتھ ہو تو کیا نماز ہو جائے گی یا ہاتھ باہر  نکالنا پڑےگا؟ 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ساںٔلہ:_حیا فاطمہ سورت انڈیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل 

بڑی چادر اوڑھ کر نماز پڑھنے کی صورت میں اگر چادر اس طرح اوڑھی جائے کہ سجدہ اور رکوع باآسانی سنت طریقے پر ادا کیا جا سکتا ہو،تو ہاتھوں کا چادر سے باہرنکالنا کوئی ضروری نہیں ہے۔

حاصل کلام یہ ہے کہ نماز میں عورت کاچادر کے اندر ہاتھ باندھنا  نہ صرف بلا کراہت جائز ہے ،بلکہ خواتین کو اسی طریقے کو اختیار کرنا چاہئے ۔

مجمع الانہر میں ہے 

’یجوز ادخالھما فی الکمین فی غیر حال التکبیر  الاول لکن الاولی اخراجھما فی جمیع الاحوال ھذا فی الرجال واما النساء فتجعل یدیھا فی کمیھا ‘‘یعنی تکبیر اولی کےعلاوہ ہاتھوں کو آستینوں کے اندر رکھنا جائز ہے لیکن  تمام حالتوں میں ہاتھوں کو  باہر رکھنا اولی ہے ۔ یہ مردوں کے لیے ہے رہی عورتیں تو وہ اپنے ہاتھوں کو اپنی آستینوں میں رکھیں گی ۔(مجمع الانھر،ج 1،ص91،مطبوعہ داراحیاء التراث ،بیروت)

واللہ ورسولہ اعلم بالصواب 

كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال