(298)
حضرت امیر معاویہ رضی اللہ عنہ کو اقا علیہ السلام کا دشمن کہنا شرعا کیا ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمت اللہ وبرکاتہ ـ
کیا فرماتے ہیں علمائے کرام و مفتیان شرع متین اس شخص کے بارے میں جو کہتا ہے کہ
امیر معاویہ نبی کی جان کا دشمن ہے اور وہ دلیل میں قرآن مجید فرقان حمید کے یہ الفاظ پیش کرتا ہے " انفسنا وانفسکم "
تو اس طرح کی بات کرکے امیر معاویہ کو نبی کی جان کا دشمن کہنے والے پر شرع مطہرہ کا کیا حکم لگے گا ـ جواب عنایت فرما کر شکریہ کا موقع فراہم فرمائیں ـ جزاکم اللہ خیرا واحسن الجزاء۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
المستفتی: محمد انس ـ بسو تعلقہ وڈگام ـ ضلع بناس کانٹھا اتر گجرات انڈیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم
وعلیکم السلام ورحمة الله وبركاته
الجواب بعونه تعالي عز وجل
خود سے قرآن کی تفسیر بیان کرنا حرام و گناہ ہے زید توبہ کرے اور مذکورہ تفسیر سے رجوع کرے ۔ حضرت امیر معاویہ رضی اللہ عنہ قطعی یقینی جنتی ہیں حضرت
امیر معاویہ رضی اللہ عنہ کو نبی کا دشمن کہنا گمراہی و بدمذہبی یے۔
حديثِ پاک میں ہےکہ نبی کریم صلی اللہ علیہ و سلم نے ارشاد فرمایا: ” من قال في القرآن برأيه فليتبوأ مقعده من النار “
ترجمہ: جس نے بِغیر علم قرآن کی تفسیر کی ، اس نے اپنا ٹھکانہ جہنم میں بنالیا ۔(سنن الترمذی،رقم الحدیث 2951،ج 5،ص 199،مطبوعہ مصر)
بہارشریعت میں ہے
تمام صحابۂ کرام رضی ﷲ تعالیٰ عنہم اہلِ خیر و صلاح ہیں اور عادل، ان کا جب ذکر کیا جائے تو خیر ہی کے ساتھ ہونا فرض ہے۔
کسی صحابی کے ساتھ سوئِ عقیدت بدمذہبی و گمراہی و استحقاقِ جہنم ہے، کہ وہ حضورِ اقدس صلی ﷲ تعالیٰ علیہ وسلم کے ساتھ بغض ہے ایسا شخص رافضی ہے۔ (بہارشریعت ح 1 ص 254 مکتبہ المدینہ)
واللہ ورسولہ اعلم بالصواب
كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
0 تبصرے