آن لائن ایپ میں پیسے لگا کر ویڈیو دیکھ کر پیسے کمانا کیسا ہے؟

 (262)

آن لائن ایپ میں پیسے لگا کر  ویڈیو دیکھ کر پیسے کمانا کیسا ہے؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام عليكم ورحمة الله وبركاته

مفتی صاحب ایک راہنمائی فرمادیں

انٹرنیٹ پے کمائی کرنا کیسا ہے ؟

ایک ایپ ہے جس پے کچھ پیسے لگائے جاتے ہیں اور روزانہ کی بنیاد پر ایک ایڈ {وڈیو} دیکھی جاتی ہے تو وہ فکس رقم دیتے ہیں مطلب ایک وڈیو کے ٦٥ پینسٹھ روپے  

کیا یہ جائز ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سائل حافظ شوکت حسین رضوی فارورڈ کہوٹہ آزاد کشمیر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل 

جس طرح زمینی سطح پر کسی کمپنی میں جائز کام کر کے اجرت متعین کرکے پیسے کمانا جائز یے اسی طرح  آن لائن بھی جائز کام کی اجرت متعین کرکے پیسے کمانا جائز یے ۔۔

مگر مذکورہ صورت میں پیسے لگاکر ویڈیو دیکھ کر پیسے کمانا شرعا جائز نہیں ہے۔ 

اسی طرح کسی بھی کمپنی میں رقم انویسٹ کرنا، ناجائز وگناہ ہے اور اس پر ملنے والا نفع بھی حرام ہے کیونکہ انویسٹمنٹ کرکے نفع کمانے کیلئے شرعاً ضروری ہے کہ  کسی عقد شرعی کے تحت انویسٹمنٹ ہو یعنی شرکت یا مضاربت اور و ہ نفع نقصان دونوں کی بنیاد پر ہوتی ہے اور اس کی دیگر شرائط وضوابط بھی ہیں جبکہ یہاں ایسا کچھ بھی نہیں ہے نیز اس لئے بھی ناجائز ہے کہ عام طور پر ایڈز جائز و ناجائز  دونوں طرح کے   ہوتے ہیں ایڈ میں بے پردہ عورت کی تصویر ہے یا میوزک ہے تو اسے کلک کرنا بھی جائز نہیں ہے لہذا قبر و آخرت کے فکر مند مسلمانوں کو چاہیئے کہ دینی و دنیاوی نقصانات  کے پیش نظر  مذکورہ کمپنیوں  کیساتھ انویسٹمنٹ ہرگز نہ کریں 

۔(اسی طرح فتاوی اہل سنت میں ہے)

واللہ ورسولہ اعلم بالصواب 

كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال