کیا والدین کی جائداد میں بیٹی کا حصہ ہوتا یے؟

 (185)

کیا والدین کی جائداد میں بیٹی کا حصہ ہوتا یے؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمتہ اللہ وبرکاتہ 

کیا فرماتے ہیں علمائے دین و مفتیان شرع متین مسئلہ ذیل کے بارے میں کہ کچھ لوگ ھوتے ھیں جو بیٹی کا رشتہ کرتے ھوۓ لڑکے والوں کو کہتے ھیں کہ ھم اس کے نام کچھ زمین نہیں کرواتے نہ ھی کچھ سونا بس ھم نے آپکو یہ ایسے ھی دی ھے تو کیا والدین کا ایسا کرنا بیٹی کے ساتھ صحیح ھے؟؟ کیا بیٹی کا اس میں حق نہیں ھوتا؟ کیونکہ بعض دفعہ ایسا ھوتا ھے کہ والدین کچھ بھی نہیں لکھواتے اور بعد میں کسی آزمائش کی وجہ سے سسرال والے بیٹی کو نکال دیتے ھیں اور وآپس جب بیٹی اپنے والدین کے گھر آتی ھے تو بھائی کہتے کہ یہ ھمارا گھر ھے۔اس حوالے سے رہنمائی فرما دیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سائلہ بنت ندیم عطاریہ شہر سناواں پاکستان

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل

بیٹا ہو یا بیٹی والدین کی جائداد میں سب کا شرعی حصہ مقرر ہے چاہے والدین دینے کی بات کرے یا نہ کرے

 مگر والدین کے مرنے کے بعد۔وراثت کا تعلق موت کے بعد سے ہوتا ہے،زندگی میں والداپنی جائیدادکاخود مالک ہوتاہے؛ لہٰذا بصورتِ مسئولہ اولاد کاوالد کی زندگی میں والد کی جائیداد میں کوئی ملکیتی حق نہیں ہے۔بیٹی کی شادی سے پہلے کفالت کی ذمہ داری باپ کے ذمہ ہوتی۔ 

مذکورہ صورت میں شادی کے بعد کوئی مشکل پڑجانے پر بھائی کی بھی زمہ داری ہے کہ بہن کے ساتھ حسن سلوک کرے۔فتاوی شامی میں ہے

وشروطه: ثلاثة: موت مورث حقيقةً، أو حكمًا كمفقود، أو تقديرًا كجنين فيه غرة و وجود وارثه عند موته حيًّا حقيقةً أو تقديرًا كالحمل والعلم بجهة إرثه، وأسبابه وموانعه سيأتي."

۔(كتاب الفرائض، شرائط الميراث، ج:6، ص:758،)

مذہب اسلام میں والد یا والدہ کے ترکہ میں بیٹوں کی طرح بیٹیوں کا بھی حق و حصہ ہوتا ہے، ایسا نہیں ہے کہ والدین کی ساری پراپرٹی وغیرہ صرف بیٹوں کا حق ہے، قال اللہ تعالی: للرجال نصیب مما ترک الوالدٰن والأقربون وللنساء نصیب مما ترک الوالدٰن والأقربون مما قل منہ أو کثر، نصیبا مفروضا (سورہ نسا، آیت: ۷) ،

وقال تعالی أیضاً: ﴿یوصیکم اللہ في أولادکم للذکر مثل حظ الأنثیین﴾ 

(سورہ نسا، آیت: ۱۱)

ویصیر عصبة بغیرہ البناتُ بالابن الخ

 (در مختار مع شامی ۱۰: ۵۲۲،) 

البتہ بیٹوں کا والد مرحوم کے ترکہ میں بہنوں کو ان کا حق وحصہ نہ دینا؛ بلکہ والد صاحب کی ساری جائداد صرف آپس میں تقسیم کرلینا بلاشبہ بہنوں کی حق تلفی اور ان کے ساتھ ظلم وزیادتی ہے جو بلاشبہ حرام وناجائز ہے،جائداد کے قابضین پر ضروری ہے کہ تمام جائدادیں تمام وارثین کے درمیان شرعی طریقہ پر تقسیم کریں، کسی کی کچھ بھی حق تلفی نہ کریں ورنہ انھیں آخرت میں سخت عذاب کا سامنا ہوسکتا ہے، 

واللہ ورسولہ اعلم بالصواب 

كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال