اگر کوئی شخص سال کے شروع اور اخیر میں مالک نصاب ہو بیچ میں نہ ہو؟ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ السلام علیکم ورحمۃ اللہ وبرکاتہ کیا فرماتے ہیں علمائے دین و مفتیان شرع متین اس مسئلہ میں کہ کوئی شخص اج مالک نصاب ہوا اب اگلے رمضان تک مالک نصاب رہا یعنی سال گزر گیا اب اس پر زکوۃ فرض ہے لیکن چھ مہینے بعد وہ فقیر ہو گیا پھر دو مہینے بعد مالک نصاب ہو گیا تو اب اس کا نصاب کا سال اسی رمضان سے اگلے رمضان تک شمار ہوگا یا فقیر ہونے کے بعد پھر سے مالک نصاب بنا اس وقت سے شمار ہوگا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سائل اشرف اگرہ انڈیا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ نحمده ونصلي علي رسوله الكريم وعلیکم السلام ورحمة الله وبركاته الجواب بعونه تعالي عز وجل صاحب نصاب بننے کے بعد اگر درمیان سال میں کسی کے پاس سے سارا مال ختم ہوجائے تو جس دن وہ دوبارہ صاحب نصاب بنے گا، اسی دن کے اعتبار سے سال گذرنے کا اعتبار کیا جائے گا، پہلی تاریخ کا اعتبار نہیں ہوگا. واضح رہے کہ جس شخص کےمال میں دورانِ سال کمی زیادتی ہوتی رہی لیکن سال کے شروع و آخر میں نصاب مکمل رہا ،تو زکوٰۃ کی ادائیگی کے معاملے میں ایسے شخص کیلئے حکم یہ ہے کہ اسلامی سال کے اختتام پر جتنی رقم اسکے پاس موجود ہو سب کی زکوۃ ادا کرے ،درمیان ِ سال مال کا کم ہونا ،اور بعض مال پرسال نہ گزرنا زکوٰۃ کی فرضیت کے منافی نہیں ،کیونکہ زکوٰۃ فرض ہونے کیلئے نصاب کا سال کے شروع و آخر میں پورا ہونا ضروری ہے،پورا سال نصاب باقی رہنا ضروری نہیں ،اسی طرح اصول یہ ہے کہ جو مال سال کے درمیان میں حاصل ہو اسکو بھی اپنی جنس کے نصاب کے ساتھ ملایا جائے گا،ہاں اگر دورانِ سال نصاب بالکل ہی ختم ہو جائے تو جب سے دوبارہ نصاب کا مالک ہو گا ،اسی وقت سے سال کا آغا ز ہو گا۔ واللہ ورسولہ اعلم بالصواب *كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال*

 (203)

اگر کوئی شخص سال کے شروع اور اخیرمیں مالک نصاب ہوبیچ میں نہ ہو؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمۃ اللہ وبرکاتہ 

کیا فرماتے ہیں علمائے دین و مفتیان شرع متین اس مسئلہ میں کہ کوئی شخص اج مالک نصاب ہوا اب اگلے رمضان تک مالک نصاب رہا یعنی سال گزر گیا اب اس پر زکوۃ فرض ہے لیکن چھ مہینے بعد وہ فقیر ہو گیا پھر دو مہینے بعد مالک نصاب ہو گیا  تو اب اس کا نصاب کا سال اسی رمضان سے اگلے رمضان تک شمار ہوگا یا فقیر ہونے کے بعد پھر سے مالک نصاب بنا اس وقت سے شمار ہوگا 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سائل اشرف اگرہ انڈیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل 

صاحب نصاب بننے کے بعد اگر درمیان سال میں کسی کے پاس سے سارا مال ختم ہوجائے تو جس دن وہ دوبارہ صاحب نصاب بنے گا، اسی دن کے اعتبار سے سال گذرنے کا اعتبار کیا جائے گا، پہلی تاریخ کا اعتبار نہیں ہوگا.

واضح رہے کہ جس شخص کےمال میں دورانِ سال کمی زیادتی ہوتی رہی لیکن سال کے شروع و آخر میں نصاب مکمل رہا ،تو زکوٰۃ کی ادائیگی کے معاملے میں ایسے شخص کیلئے حکم یہ ہے کہ اسلامی سال کے اختتام پر جتنی رقم اسکے پاس موجود ہو سب کی زکوۃ ادا کرے ،درمیان ِ سال مال کا کم ہونا ،اور بعض مال پرسال نہ گزرنا زکوٰۃ کی فرضیت کے منافی نہیں ،کیونکہ زکوٰۃ فرض ہونے کیلئے نصاب کا سال کے شروع و آخر میں پورا ہونا ضروری ہے،پورا سال نصاب باقی رہنا ضروری نہیں ،اسی طرح اصول یہ ہے کہ جو مال سال کے درمیان میں حاصل ہو اسکو بھی اپنی جنس کے نصاب کے ساتھ  ملایا جائے گا،ہاں اگر دورانِ سال نصاب بالکل ہی ختم ہو جائے تو جب سے دوبارہ نصاب کا مالک ہو گا ،اسی وقت سے سال کا آغاز ہو گا۔

واللہ ورسولہ اعلم بالصواب 

كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال