جس کے پاس کھیت ہو تو کیا وہ زکات لے سکتے ہیں؟

 (205)

جس کے پاس کھیت ہو تو کیا وہ زکات لے سکتے ہیں؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمۃ اللہ وبرکاتہ 

کیا فرماتے ہیں علمائے دین و مفتیان شرع متین اس مسئلہ میں   

کھیتی کی زمین ہے  لیکن ساڑھے باون تولہ چاندی نہیں ہے ساڑھے سات توڑا سونا بھی نہیں ہے ساڑھے باون تولہ چاندی کی رقم بھی نہیں ہے مال تجارت بھی نہیں ہے تو کیا اس کو زکوۃ دے سکتے ہیں  

شرعی رہنمائی فرمائیں جزاک اللہ خیرا کثیرا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سائل اشرف اگرہ انڈیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل 

جس مسلمان کے پاس اس کی بنیادی ضرورت  و استعمال ( یعنی رہنے کا مکان ، گھریلو برتن ، کپڑے وغیرہ)سے زائد،  نصاب کے بقدر  (یعنی صرف سونا ہو تو ساڑھے سات تولہ سونا یا ساڑھے باون تولہ چاندی یا اس کی موجودہ قیمت  کے برابر) مال یا سامان موجود نہ ہو  اور وہ سید/ عباسی نہ ہو، وہ زکاۃ کا مستحق ہے،اس کو زکاۃ دینا اور اس کے لیے ضرورت کے مطابق زکاۃ لینا جائز ہے۔

اب صورتِ مسئولہ میں مذکورہ شخص کی ملکیت میں جو زمین موجود ہے اگر وہ اس کی ضرورت سے زائد   ہو یعنی رہائش اور کھیتی باڑی کے علاوہ ہو   اور وہ قیمتی زمین ہو (مثلًا بالکل بنجر یا غیر آباد نہ ہو) تو ایسے شخص کا زکوۃ وصول کرنا جائز نہیں ہو گا۔

اور اگر وہ زمین کھیتی باڑی کے لیے ہو جس پر کھیتی کر کے اناج حاصل کرتا ہو اور سال کے آخر میں اس میں سے بقدرِ نصاب کچھ باقی نہیں رہتا یا وہ زمین رہائش کے لیے ہو تو ایسی صورت میں ایسا آدمی زکوۃ  وصول کر سکتا ہے۔

اور اگر وہ زمین کرایہ پر دی ہوئی ہو جس کی آمدن سال کے آخر میں بقدرِ نصاب باقی نہیں رہتی تو ایسی صورت میں بھی زکوۃ وصول کر سکتا ہے۔ 

واللہ ورسولہ اعلم بالصواب 

كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال