(215)
کیا ایک وقت نماز چھوڑنے پر اسِّی ہزار سال جہنم، کا مستحق ہوگا؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم و رحمۃ اللہ وبرکاتہ
حضور عرض کرنا ہے کہ کیا ایک وقت نماز چھوڑنے پر اسِّی ہزار سال جہنم، کا مستحق ہوگا؟
جواب ارشاد فرما دیں بڑی مہربانی ہوگی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سائل:-محمد علاءالدین رضوی ضلع گونڈہ یوپی انڈیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم
وعلیکم السلام ورحمة الله وبركاته
الجواب بعونه تعالي عز وجل
عمدا ایک وقت کی نماز چھوڑنے والا ہزار سال جہنم میں رہنے کا مستحق ہوگا۔
حاصل کلام یہ ہے کہ معاذ اللہ بلا وجہ شرعی جان بوجھ کر ایک وقت کی بھی نماز قضا کردینا سخت کبیرہ گناہ، ناجائز و حرام ہے۔ ایسا شخص ہزاروں برس جہنم میں رہنے کا مستحق ہے، جب تک کہ توبہ کرکے اس نماز کی قضا نہ کرلے۔ قرآن و حدیث میں نماز قضا کرنے کی شدید مذمت بیان ہوئی ہے، ایسے بدنصیب کا نام جہنم کے اس دروازے پر لکھ دیا جاتا ہے جس سے وہ جہنم میں داخل ہوگا۔ لہذا ہر مسلمان پر لازم ہے کہ وہ نمازوں کی پابندی کرے اور اس معاملے میں ہرگز ہرگز کوتاہی کا شکار نہ ہو، ورنہ رب عزوجل کی ناراضی کی صورت میں آخرت میں شدید عذاب کا سامنا ہوسکتا ہے۔
البتہ سوال میں ذکر کردہ حدیث کہ "ایک نماز قضا کرنے پر 80 برس یا 80 ہزار برس جہنم میں رہے گا کسی معتبر کتاب میں مذکور نہیں، جس نے اسے بیان کیا معتبرحوالہ دینابھی اسی کی ذمہ داری ہے۔
قصداً نماز چھوڑنے کی مذمت کے بارے میں۔ حلیۃ الاولیاء" اور "کنز العمال" کی حدیثِ مبارک میں ہے:
و النظم للاول“عن أبي سعيد عن النبي صلى الله عليه وسلم من ترک الصلاۃ متعمداً کتب اسمه على باب النار فيمن يدخلها
حضرت ابو سعیدرضی اللہ عنہ سے روایت ہے کہ رسول اللہ صلی اللہ علیہ و سلم نے ارشاد فرمایا"جس نے قصداً نماز چھوڑی تو اس کا نام جہنم کے اس دروازے پر لکھ دیا جاتا ہے جس سے وہ جہنم میں داخل ہو گا
۔ (حلیۃ الاولیاء، ج 07، ص 992، حدیث 10590، دار الکتب العلمیہ، بیروت)
فتاوٰی رضویہ میں ہے
جس نے قصدا ایک وقت کی نمازچھوڑی ،ہزاروں برس جہنم میں رہنے کا مستحق ہوا، جب تک توبہ نہ کرے اور اس کی قضانہ کرلے ،مسلمان اگر اُس کی زندگی میں اُسے یکلخت چھوڑ دیں اُس سے بات نہ کریں، اُس کے پاس نہ بیٹھیں ، تو ضرور اس کا سزا وار ہے
۔ (فتاوٰی رضویہ، ج29، ص159-158،رضا فاؤنڈیشن، لاہور)
واللہ ورسولہ اعلم بالصواب
كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
0 تبصرے