(235)
کیا حالت حیض میں عورت میت کو غسل و کفن دے سکتی ہے!!؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم و رحمۃ اللہ برکاتہ
کیا فرماتے ہیں علماء کرام و مفتیان عظام مسلہ ذیل کے بارے میں۔۔۔۔۔۔!
کیا حالت حیض میں عورت میت کو غسل و کفن دے سکتی ہے!!
برائے مہربانی جواب ارسال فرمائیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سائلہ بنت قمراالہدی مقام کسماں. نول پراسی نیپال
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم
وعلیکم السلام ورحمة الله وبركاته
الجواب بعونه تعالي عز وجل
اگر حیض سے پاک عورت موجود ہو تو اس کو چاہئے کہ میتہ عورت کو غسل دے، حیض والی عورت کو غسل نہیں دینا چاہئے یہ مکروہ ہے، ہاں اگر کوئی اور غسل دینے والی موجود نہ ہو تو ایسی مجبوری میں غسل دینے کی گنجائش ہے
حاصل کلام یہ ہے کہ میت کوغسل دینے والے کے لیے باطہارت ہوناچاہیے ،حیض و نفاس والی اگرکسی عورت کی میت کو غسل دے تو اس کے غسل دینے سے غسل توہوجائے گا لیکن مکروہ ہے ،لہذاجب تک دوسری کوئی پاک عورت میسرہوتواسی سے غسل دلوایاجائے فتاوی ہندیہ میں ہے "
وينبغي أن يكون غاسل الميت على الطهارة كذا في فتاوى قاضي خان، ولو كان الغاسل جنبا أو حائضا أو كافرا جاز ويكره، كذا في معراج الدراية. " ترجمہ : میت کوغسل دینے والے کے لیے باطہارت ہوناچاہیے جیساکہ فتاوی قاضی خان میں ہے اوراگرغسل دینے والاجنبی یاحائضہ یاکافرہواتوغسل ہوجائے گالیکن مکروہ ہے ،اسی طرح معراج الدرایہ میں ہے ۔
۔ (فتاوی ہندیہ،کتاب الصلوۃ،الباب الحادی والعشرون فی الجنائز،الفصل الثانی فی غسل المیت،ج01،ص159،کوئٹہ)
واللہ ورسولہ اعلم بالصواب
كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
0 تبصرے