کیا جس کے نام قربانی ہو وہ عید کے دن قربانی سے پہلے تک روزہ رکھیں گے؟

 (243)

کیا جس کے نام قربانی ہو وہ عید کے دن قربانی سے پہلے تک روزہ رکھیں گے؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمت الله وبركاته 

کیا فرماتے ہیں علمائے دین و مفتیان شرع متین مسئلہ ذیل کے بارے میں کہ 

عید الاضحی کے دن قربانی سے پہلے روزہ رکھنا کیسا ہے؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سائلہ سمرہ بنت الماس شہر کوٹ پاکستان فقہی مسائل برائے خواتین شرعی سوال و جواب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل 

عید الاضحی کے دن سب سے پہلے قربانی کا گوشت کھانا یہ سنت یے اور قربانی تک بھوکا رہنا یہ روزہ نہیں ہے۔

عید کے دن روزہ رکھنے کے بارے میں حدیث میں منع ہے

صحیح بخاری میں ہے

أَبِي عُبَيْدٍ مَوْلَی ابْنِ أَزْهَرَ قَالَ شَهِدْتُ الْعِيدَ مَعَ عُمَرَ بْنِ الْخَطَّابِ رَضِيَ اللَّهُ عَنْهُ فَقَالَ هَذَانِ يَوْمَانِ نَهَی رَسُولُ اللَّهِ صَلَّی اللَّهُ عَلَيْهِ وَسَلَّمَ عَنْ صِيَامِهِمَا يَوْمُ فِطْرِکُمْ مِنْ صِيَامِکُمْ وَالْيَوْمُ الْآخَرُ تَأْکُلُونَ فِيهِ مِنْ نُسُکِکُمْ

ابن ازہر کے غلام ابوعبید نے بیان کیا کہ عید کے دن میں عمر بن خطاب (رضی اللہ عنہ ) کی خدمت میں حاضر تھا۔ آپ نے فرمایا یہ دو دن ایسے ہیں جن کے روزوں کی نبی کریم ﷺ نے ممانعت فرمائی ہے۔ (رمضان کے) روزوں کے بعد افطار کا دن عیدالفطر اور دوسرا وہ دن جس میں تم اپنی قربانی کا گوشت کھاتے ہو(یعنی عید الاضحی کا دن)

 (صحیح بخاری حدیث 1990)

سنن ابی داٶد۔میں ہے

نَهَی رَسُوْلُ اﷲِ صلی الله عليه وآله وسلم عَنْ صِيَامِ يَوْمَيْنِ :  يَوْمِ الْفِطْرِ وَ يَوْمِ الْأَضْحَی

ترجمہ:حضور نبی اکرم صلی اللہ علیہ وآلہ وسلم نے دو دنوں عید الفطر اور عیدالاضحی کے دن روزہ رکھنے سے منع فرمایا۔

(سنن ابی داٶدحدیث 2417)

مسندامام احمد۔میں ہے

حَدَّثَنَا رَوْحٌ حَدَّثَنَا صَالِحٌ حَدَّثَنَا ابْنُ شِهَابٍ عَنْ سَعِيدِ بْنِ الْمُسَيَّبِ عَنْ أَبِي هُرَيْرَةَ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ بَعَثَ عَبْدَ اللَّهِ بْنَ حُذَافَةَ يَطُوفُ فِي مِنًى أَنْ لَا تَصُومُوا هَذِهِ الْأَيَّامَ فَإِنَّهَا أَيَّامُ أَكْلٍ وَشُرْبٍ وَذِكْرِ اللَّهِ عَزَّ وَجَلَّ

ترجمہ: حضرت ابوہریرہ رضی اللہ عنہ   سے مروی ہے کہ نبی کریم ﷺ نے حضرت عبداللہ بن حذافہ رضی اللہ عنہ کو منیٰ میں گھوم پھر کر یہ اعلان کرنے کے لئے بھیجا کہ ان ایام میں روزہ نہ رکھو ایام تشریق کھانے پینے اور اللہ کا ذکر کرنے کے دن ہیں (مسندامام احمدحدیث 10496)

بہار شریعت میں ہے

ایام منہیہ (یعنی جن میں روزےرکھنامنع ہیں )عید و بقرعید اور ذی الحجہ کی

گیارھویں بارھویں تیرھویں کے روزے ہیں 

 (بہار شریعت جلد1صفحہ 5صفحہ 1015)

واللہ ورسولہ اعلم بالصواب

كتبه محمد مجیب قادري لهان ١٨خادم دارالافتاء البركاتي علماء فاونڈیشن ضلع سرہا نیپال