ارطغرل ڈرامہ دیکھنا کیسا ہے؟

 (217)

ارطغرل ڈرامہ دیکھنا کیسا ہے؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام عليكم ورحمة الله وبركاته 

کیا فرماتے ہیں علمائے کرام و مفتیان عظام اس مسئلہ میں کہ

ارتغرل ڈرامہ دیکھنا کیسا ہے؟ کسی اہل علم کو دیکھنے سے منع کرنے کے باوجود وہ دیکھے تو کیا حکم ہے؟ 

شریعت کی روشنی میں جواب عنایت فرمائیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سائل : ثاقب رضا ساکن  احمد نگر انڈیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل

 جو منع کرنے کے باوجود دیکھے اسے نصیحت کرتے رہیں اور دعا بھی کریں 

مذکورہ ڈرامہ میں کم از کم تین خرابی ہے 

١/ بلاحاجت تصویر 

٢/ غیر محرم کا دیکھنا 

٣/ میوزک اور یہ تینوں امور شرعا ناجائز و حرام ہے مزید عورتوں کا گانا، ناچنا، تھرکنا بوس و کنار تک ہوتا ہے سب ناجائز و حرام ہے 

مسلمان کو تو یہ سوال کرنا ہی نہیں چاہئے ضروری مسائل شرعیہ طہارت عقیدہ نماز روزہ حج زکات حرام و حلال ان سب کا تو علم نہیں پھر اس مووی سے کیا نصیحت حاصل کرنی نے جس کی کوئی حقیقت نہیں ہے بلکہ تفسیر قران و حدیث علماء حق کی تقریر نعت رسول حتی ان سب کی ویڈیوز دیکھا جائے تاکہ کچھ علم و اور گناہ کبیرہ سے بھی بچا رہے 

تصویر کے بابت حدیث پاک میں ہے 

 ان اشدالناس عذابایومالقیامۃالمصورون

اور حدیث میں ہے:

 ان اشد الناس عذابا یوم القیامۃ الذین یشتھون بخلق اللہ،

بیشک نہایت سخت عذاب روز قیامت ان تصویر بنانے والوں پر ہوگا ،جو خدائے تعالیٰ کے بنائے ہوئے کی نقل کرتے ہیں 

( مسلم شریف، ج2، ص200)

فتاوی رضویہ میں ہے 

حضور صلی اللہ تعالی علیہ و سلم نے ذی روح کی تصویر بنانا بنوانا  اعزازاً اپنے پاس رکھنا سب حرام فرمایا ، اور اس پر سخت وعیدیں ارشاد کیں اور ان کے دور کرنے اور مٹانے کا حکم دیا، احادیث اس بارے میں حد تواتر پر ہیں

اگے مکتوب ہے 

حضرتِ عبداللہ بن عباس رضی اللہ تعالی عنہ سے روایت ہے رسول اللہ صلی اللہ تعالی علیہ و سلم فرماتے ہیں 

کل مصور فی النار یجعل اللہ لہ بکل صورة صورھا نفسا فتعذبہ فی جھنم،

 ہر مصور جہنم میں ہے اللہ تعالی ہر تصویر کے بدلے جو اس نے بنائی تھی، ایک مخلوق پیدا کرے گا کہ وہ جہنم میں اسے عذاب کرے گی ،،

۔ (فتاویٰ رضویہ ج 9، ص 143۔ نصفِ اول)

فتاوی شارح بخاری میں ہے 

 گھر میں ٹی وی رکھنا حرام اور اسے دیکھنا دکھانا سب حرام کہ بکس پر جو انسانی تصویر نظر آتی ہے تصویر ہے اور بالقصد تصویر کو دیکھنا بھی حرام اگرچہ کسی اللہ کے ولی کی ہو، اس سے ہٹ کر ٹی وی میں مخرب الاخلاق سین بھی دکھائے جاتے ہیں مثلاً عورتوں کا گانا، ناچنا، تھرکنا بلکہ فلمی سین میں بوس و کنار تک ہوتا ہے ، ان مناظر کا بچوں کے اخلاق پر کیا اثر پڑے گا اور یہ کتنی بڑی بے حیائی ہے کہ ماں و باپ بچوں کے ساتھ بیٹھ کر یہ سب دیکھیں ٹی وی اور فلم دونوں کا خریدنا ہی ناجائز ہےکہ خریدنے میں اعانت علی الاثم ہے اور دیکھنا بھی حرام ہے ، تصویر کا دیکھنا حرام جو لوگ اسے جائز کہتے ہیں انہیں سمجھایا جائے، مان جائیں فبھا ورنہ ان کو ان کے حال پر چھوڑ دیا جائے (اور ان سے دور رہا جائے ) اس زمانے میں اس سے زیادہ اور کیا کیا جاسکتاہے

 ( ماہنامہ اشرفیہ، شمارہ دسمبر 1994ء)

مذکورہ  توضیحات سے معلوم ہوا کہ مذکورہ مووی کسی صورت دیکھنا جائز نہیں ہے۔

واللہ و رسول اعلم بالصوب 

کتبہ محمد مجیب قادری لہان 18خادم دار الافتاء البرکاتی علماء فاونڈیشن شرعی سوال و جواب ضلع سرہا نیپال