(279)
تعزیہ کے سامنے فاتحہ خوانی کرنے والے امام کے پیچھے نماز پڑھنا کیسا ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمۃ اللہ وبرکاتہ
کیا فرماتے ہیں علماۓ کرام و مفتیان عظام اس مسئلے ذیل کے بارے میں کہ
محرم الحرام میں مروجہ تعزیہ ڈھول بجانا اور تعزیہ کے سامنے فاتحہ پڑھنا اور جو امام فاتحہ دے اس کے پیچھے نماز پڑھنا کیسا ہے؟اس پر رہنمائی فرمائیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سائل محمد نسیم احمد قادری ضلع بہرائچ شریف الہند یوپی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم
وعلیکم السلام ورحمة الله وبركاته
الجواب بعونه تعالي عز وجل
مروجہ تعزیہ کے سامنے شیری رکھ کر فاتحہ خوانی کرنے والے امام کے پیچھے نماز پڑھنا جائز نہیں ہے جب تک کہ وہ توبہ نہ کر لے۔
فتاوی شارح بخاری میں ہے
تعزیہ کے چبوترے پر شیرینی رکھ کر نیاز دینا ، دلانا رافضیوں کا طریقہ ہے اس لیے اس میں تشبہ بالروافض ہے اور ناجائز وگناہ، نیاز گھر دلائیں ۔ تعزیہ کے چبوترے پر ہر گز ہرگز نہ دلائيں ایسا امام جو تعزیہ کے چبوترے پر شیرینی رکھ کر نیاز دیتا ہے ، امامت کے لائق نہیں۔ ہاں اگر توبہ کرے تو اسے امام بنانے میں کوئی حرج نہیں اور یہی حکم امام باڑے کا بھی ہے۔
-(فتاوی جامعہ اشرفیہ، جلد:۵(فتاوی شارح بخاری)
واللہ ورسولہ اعلم بالصواب
كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
0 تبصرے