جس شادی میں غیر شرعی رسم ہوں اس میں شرکت کرنا کیسا ہیں ؟

 (290)

 جس شادی میں غیر شرعی رسم ہوں اس میں شرکت کرنا کیسا ہیں ؟ 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم و رحمت اللہ و برکاتہ 

کیا فرماتے ہیں علمائے کرام و مفتیان شرعی متین مسئلہ ذیل کے بارے میں 

جس شادی میں غیر شرعی رسم ہوں اس میں شرکت کرنا کیسا ہیں ؟ 

۔(۱) جس شادی میں گانے باجے غیر شرعی رسموں رواج ہوں اس میں دولہا کا نکاح ہوتا ہے یا نہیں ہوتا ہے ؟ 

۔(۲) بعض لوگ خوشی خوشی جاتے ہیں جانے میں کوئی گناہ نہیں سمجھتے ؟ 

۔(۳) اور بعض لوگ گناہ سمجھتے ہے مگر رشتداری کے وجہ سے شادی میں شامل ہوتے ہیں تینوں کے لیے کیا حکم ہے ؟ 

شرعی رہنمائی فرمائیں 

جزاک اللہ خیرا کثیرا 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 المستفتیہ ؛ سبا انجم شہر بریلی انڈیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمدہ و نصلی علی رسولہ الکریم 

وعلیکم السلام و رحمت اللہ و برکاتہ 

الجواب بعون الملک العزیز الوھاب 

۔(۱) گانے باجے شرعا ناجائز و گناہ ہے، البتہ اس مجلس میں نکاح پڑھانے سے نکاح ہو جائے گا ۰  

۔(۲) اس مجلس میں جہاں گانے باجے ہوں عالم نہ جائے اس طرح عوام بھی اس میں شرکت نہ کریں خوشی کے ساتھ شرکت کرنا گناہ ہے ، خاص مجلس میں نہ جایے باقی شادی میں جانا جائز ہے ۰ 

۔(۳) عالم کو اس مجلس میں جانا سخت ناجائز ہے ، ہاں اگر اس کے جانے سے بند کر دینگے تو جا سکتے ہیں ۰ 

فتاوی رضویہ میں ہے 

روشنی اور گھوڑے ممنوع نہیں ہاں باجے جیسے رائج ہیں ضرور ممنوع ہیں شرکت دو طرح ایک بارات کے ساتھ جانا اور دوسرے اس مکان میں جانا جہاں بارات ہے اول کسی عالم یا مقتداء کو مطلقا نہ چاہیئے جبکہ اس کے ساتھ باجے یا اور کوئی ممنوع شے ہو ، 

۔( لان المقتدی لا ینبغی له الاختلاط مع اھل الباطل کما فی العلمگیریةوغیرھا ولان ذلک یسقط حرمته من الاعین و حرمةتلک المحرمات من القلوب _ ) 

اس لیے کہ کسی قوم کے دینی پیشوا کو اہل باطل کےساتھ میل ملاپ نہیں رکھنا چاہئے جیسا کہ فتاوی عالمگیری وغیرہ میں مذکور ہے اور اس لیے بھی کہ ( عام لوگوں سے اگر میل جول رکھا جائے ) تو یہ رویہ عام لوگوں کی نگاہوں سے عزت و حرمت کو ختم کردیتاہے اور ان حرام کاموں کی حرمت کو دلوں سے محو کردیتا ہے ۰ 

اور جو ان ممنوعات کے استحسان کے ساتھ شریک تو مطلقا حرام ہے اگر چہ جاہل محض ہو اور عوام میں سے کوئی شخص ہے اور وہ ان ممنوعات کی طرف توجہ نہ کرے اور صلہ رحم یا مراعات دوستی یا محکومی کے سبب ان ممنوعات سے بچا ہوا برات کے ساتھ ہو تو حرج نہیں ۰ 

 کتبتہ؛ قرة العین سائرہ قادریہ جامعی جنکپور نیپال گروپ خواتین کے شرعی مسائل کا حل

 تصیح وتصدیق حضرت مفتی مجیب قادری حنفی العربی دار الافتاء البرکاتی علماء فاونڈیشن شرعی و جواب ضلع سرہا نیپال