استطاعت کے باوجود نکاح نہ کرنا شرعا کیا حکم ہے؟

 (292)

استطاعت کے باوجود نکاح نہ کرنا شرعا کیا حکم ہے؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام عليكم ورحمتہ اللہ وبرکاتہ۔

میرا مفتی صاحب سے سوال ہے آگر کوئی شخص بالغ ہونے کے بعد شرعی تقاضے پورے ہونے کے بعد بھی شادی نہیں کرتا تو اس کے مطلق شریعت کیا کہتی ہے؟ 

اور اس کا جنازہ جائز ہوگا یا نہیں۔؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سائل زید علی  نارووال پنجاب پاکستان

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل

اعتدال کی حالت میں یعنی نہ شہوت کا بہت زیادہ غلبہ ہو نہ عنین نامرد ہو اورمَہر و نفقہ پر قدرت بھی ہو تو نکاح سُنّتِ مؤکدہ ہے کہ نکاح نہ کرنے پر اڑا رہنا گناہ ہے ۔

اور اگر حرام سے بچنا یا اتباعِ سُنّت و تعمیلِ حکم یا اولاد حاصل ہونا مقصود ہے تو ثواب بھی پائے گا۔

 اور اگر محض لذّت یاقضاء  شہوت منظور ہو تو ثواب نہیں پائے گا۔

اور شہوت کا غلبہ ہے کہ نکاح نہ کرے تو معاذ اللہ  اندیشۂ زنا ہے اور مہر ونفقہ کی  قدرت رکھتا ہو تو نکاح واجب۔یوہیں جبکہ اجنبی عورت کی  طرف نگاہ اُٹھنے سے روک نہیں سکتا یا معاذ اللہ ہاتھ سے کام لینا پڑے گا تونکاح واجب ہے۔

یہ یقین ہو کہ نکاح نہ کرنے میں زنا واقع ہو جائے گا تو فرض ہے کہ نکاح کرے۔۔(ایسا ہی بہار شریعت ح 6 ص 7 مکتبہ المدینہ)

مرنے پر اگر اس سے کوئی کفر صادر و ثابت نہیں تو نماز جنازہ پڑھی جائے گی۔چاہے جتنا بڑا گنہگار ہو۔ 

واللہ ورسولہ اعلم بالصواب 

كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال