(175)
دوران اعتکاف مسجد میں پردہ لگانا کیسا ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم و رحمۃاللہ و برکاتہ
کیا فرماتے ہیں علمائے کرام و مفتیان شرع اس مسئلے میں کہ عام طور پر رمضان میں معتکفین حضرات کے لیے پردے لگائے جاتے ہیں تو کیا پردوں کا لگانا جائز ہے اور جائز ہے تو کیا ہر نماز کے وقت ان کو اٹھانا یا ہٹانا ضروری ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سائل: محمد نسیم احمد قادری ضلع بہرائچ الہند یوپی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم
وعلیکم السلام ورحمة الله وبركاته
الجواب بعونه تعالي عز وجل
دورانِ اعتکاف معتکفین کے لیے مسجد میں پردہ لگانایا چادر وغیرہ کا حجرہ بنانا مستحب ہے، جس میں عبادت میں یکسوئی اور خلوت بھی حاصل ہوتی ہے اور اس میں سونے کے وقت ستر کی حفاظت بھی رہتی ہے، البتہ اس میں اس بات کا خیال رکھا جائے کہ ضرورت سے زیادہ جگہ نہ روکی جائے اور یہ جگہ نمازیوں کے لیے ایذاء کا سبب نہ ہو اور صفوں کے لیے مخل نہ ہو۔
مذکورہ صورت میں جماعت کے وقت اعتکاف کا پردہ اٹھاکر اوپر کردینا چاہیے؛ تاکہ اور بھی لوگوں کو جماعت میں شریک ہونے کی جگہ مل سکے، تاہم پردہ نیچے ہو اور معتکف پردہ کے حائل کے ساتھ ہی اقتدا کرلے تو بھی نماز ادا ہوجائے گی، لیکن اگر صفیں معتکف تک متصل نہ ہوں تو درمیان میں فاصلہ ہونے کی وجہ سے کراہت ہوگی۔
مرقاة المفاتيح شرح مشكاة المصابيح میں ہے
"وعن عائشة قالت: «كان رسول الله - صلى الله عليه وسلم - إذا أراد أن يعتكف صلى الفجر ثم دخل في معتكفه» . رواه أبو داود وابن ماجه.
۔(وعن عائشة قالت: كان رسول الله - صلى الله عليه وسلم - إذا أراد أن يعتكف) ، أي إذا نوى من أول الليل أن يعتكف وبات في المسجد (صلى الفجر ثم دخل في معتكفه) بصيغة المفعول، أي مكان اعتكافه، قال الطيبي: دل على أن ابتداء الاعتكاف من أول النهار كما قال به الأوزاعي والثوري والليث في أحد قوليه، وعند الأئمة الأربعة أنه يدخل قبل غروب الشمس إن أراد اعتكاف شهر أو عشر، وتأولوا الحديث بأنه - صلى الله عليه وسلم - دخل المعتكف وانقطع وتخلى بنفسه، فإنه كان في المسجد يتخلى عن الناس في موضع يستتر به عن أعين الناس، كما ورد أنه اتخذ في المسجد حجرة من حصير، وليس المراد أن ابتداء الاعتكاف كان في النهار
(کتاب الصوم، باب الاعتکاف، ج:4، ص:1449، ط:دارالفکر)
واللہ ورسولہ اعلم بالصواب
كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
0 تبصرے