کیا بہن کو زکات دینا جائز یے؟

 (180)

کیا بہن کو زکات دینا جائز یے؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 السلام علیکم و رحمۃ اللہ برکاتہ

 کیا فرماتے ہیں علمائے کرام ومفتیان عظام مسئلہ ذیل کے بارے میں کہ کیا زید اپنے بہن کو زکات دے سکتا ہے جب کے بہن کا شوہر اور لڑکا بھی کماتا ہے اور بہن پر کچھ قرض ہے   زید کا بہنوئی اپنا محنت کرکے اپنا گھر چلا لیتا ہے  لیکن کچھ اس پر قرض ہونے کی وجہ سے اس کو زکوۃ کا روپیہ دینا چاہتا ہے زید کی نیت زکات ہوگی اور بہن کی مدد بھی ہو جائیگی اگر بہن کو دینگے تو بتا کے دینا ہوگا کہ یہ زکوٰۃ کا رویپہ ہے  یہ کہاں تک درست ہے؟

 شریعت کی روشنی میں جواب عنایت فرمائیں 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سائل محمد نسیم احمد قادری ضلع بہرائچ شریف الہند یوپی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل 

ہاں زید اپنی بہن کو جو  صاحبِ نصاب اور سیدہ نہ ہوں، توزکوۃ دینا نہ صرف جائز، بلکہ افضل ہے 

فتاوی عالمگیریہ میں ہے:

والأفضل في الزكاة والفطر والنذر الصرف أولا ‌إلى ‌الإخوة والأخوات ثم إلى أولادهم ثم إلى الأعمام والعمات ثم إلى أولادهم ثم إلى الأخوال والخالات ثم إلى أولادهم ثم إلى ذوي الأرحام ثم إلى الجيران ثم إلى أهل حرفته ثم إلى أهل مصره أو قريته كذا في السراج الوهاج.

۔(کتاب الزکوۃ،الباب السابع فی المصارف، ج:1 ص:190)

حاصل کلام یہ ہے کہ اگر بہن صاحبِ نصاب نہیں ہے یعنی اس کی ملکیت میں اتنا روپیہ پیسہ ، زیورات اور حوائج اصلیہ اور دیون سے فارغ مال نہیں ہے جو ساڑھے باون تولہ (۶۱۲/گرام ۳۶۰/ ملی گرام) چاندی کی مالیت کو پہنچ جائے اور سید بھی نہیں ہیں تو اسے زکات دے سکتے ہیں۔

واضح رہے کہ کسی مستحقِ زکاۃ شخص کو زکاۃ کی رقم دیتے ہوئے یہ بتانا ضروری نہیں ہے کہ یہ زکاۃ کی رقم ہے، بلکہ مستحقِ زکاۃ  کو زکاۃ کی رقم ہدیہ، تحفہ، قرض یا کسی بھی عنوان سے دینے سے زکاۃ ادا ہوجائے گی،  تاہم زکاۃ ادا کرنے والے کے دل میں زکاۃ   دینے کی نیت ہونا ضروری ہے۔

الفتاوى الهندية میں ہے 

ومن أعطى مسكيناً دراهم وسماها هبةً أو قرضاً ونوى الزكاة فإنها تجزيه، وهو الأصح، هكذا في البحر الرائق ناقلاً عن المبتغى والقنية"

.الفتاوى الهندية(1/ 171))

واللہ ورسولہ اعلم بالصواب 

كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال