شوہر نے کہا اگر تم میرے گھر جائے گی تو ایک طلاق؟

 (178)

شوہر نے کہا اگر تم میرے گھر جائے گی تو ایک طلاق؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمتہ اللہ وبرکاتہ 

کیا فرماتے ہیں علمائے دین مفتیان شرع متین مسئلہ ذیل کے بارے میں شوہر نے اپنی بیوی کو کہا تم میری مرضی کے بغیر میرے گھر رہنے نہیں جا سکتی بیوی نے شوہر کی اجازت بغیر ایک یوجنا کے تحت فوٹو کھنچوانے چلی گئی اپنے سسرال (سرکاری یوجنا)گاؤں کے وارڈ پرسن کا پریشر تھا اور مومنٹ ایسا تھا کہ کچھ اس کو سمجھ نہیں آیا اس ٹائم اور وہ چلی گئی فوٹو کھنچوانے کو سسرال ۱۰۰ میٹر کے دائرے میں ہے۔بیوی کا کہنا ہے مجھے بالکل بھی یاد نہیں تھا وارڈ پرسن اور و دیگر لوگ پریشر میں پورے محلہ میں یوجنا کے لیے فوٹو لیا جا رہا تھا۔شوہر نے کہا اگر تم میرے گھر جاؤ گی تو ایک طلاق ہو جائے گا۔اس صورت میں علماء کرام کا کیا کہنا ہے مفصل اور مدلل جواب عنایت فرما کر شکریہ کا موقع دیں اور عند اللہ ماجور ہوں ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سائل محمد فیضان رضا مرادآباد اتر پردیش انڈیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل 

مذکورہ صورت طلاق معلق ہے 

اگر بیوی اس دن شوہر کے گھر آگئی تو اس پر ایک طلاق رجعی واقع ہوجائے گی، اس کے بعد اگر شوہر تین ماہواری گزرنے سے پہلے رجوع کرلیتا ہے تو  نکاح برقرار رہے گا، دوبارہ نئے سرے سے نکاح کرنے کی ضرورت نہیں ہوگی، لیکن اگر شوہر عدت گزرنے سے پہلے رجوع نہیں کرتا ہے تو یہ طلاقِ رجعی طلاقِ بائن بن جائے گی اور نکاح ٹوٹ جائے گا۔ اس صورت میں بیوی کو مزید عدت گزارنے کی ضرورت نہیں ہوگی، بلکہ عدمِ رجوع کی صورت میں بیوی اس ایک عدت کے ختم ہوتے ہی کسی بھی جگہ نکاح کرنے میں آزاد ہو گی۔پھر اگر دونوں ساتھ رہنا چاہیں تو دوبارہ نئے سرے سے دو گواہوں کی موجودگی میں نئے مہر کے ساتھ نکاح کرنا پڑے گا، البتہ آئندہ کے لیے شوہر کے پاس صرف دو طلاقوں کا اختیار باقی رہ جائے گا۔

رجوع کا طریقہ یہ ہے کہ شوہر بیوی سے کہے کہ میں آپ سے رجوع کرتا ہوں، یہ رجوعِ قولی کہلاتا ہے، یا شوہر بیوی کے ساتھ زوجین والے تعلقات قائم کرلے ، یہ رجوع فعلی کہلاتا ہے، لیکن رجوعِ فعلی کرنے کو فقہاء نے مکروہ قرار  دیا ہے۔

قال في الهندیة

واذا أضافه إلی الشرط، وقع عقیبَ الشرط اتفاقاً، مثل أن یقول لامرأته: إن دخلت الدار، فأنت طالق"(الفتاوی الهندیة: ۱/۴۸۸، الفصل الثالث في تعلیق الطلاق بکلمة إن و إذا و غیرها،

 (باب الأیمان في الطلاق،)

الدر المختار وحاشية ابن عابدين (رد المحتار) میں ہے 

(هي استدامة الملك القائم) بلا عوض ما دامت (في العدة) ... (بنحو) متعلق باستدامة (رجعتك) ورددتك ومسكتك بلا نية لأنه صريح (و) بالفعل مع الكراهة (بكل ما يوجب حرمة المصاهرة) كمس.

(قوله: بنحو راجعتك) الأولى أن يقول بالقول نحو راجعتك ليعطف عليه قوله الآتي وبالفعل ط، وهذا بيان لركنها وهو قول، أو فعل... (قوله: مع الكراهة) الظاهر أنها تنزيه كما يشير إليه كلام البحر في شرح قوله والطلاق الرجعي لا يحرم الوطء رملي، ويؤيده قوله في الفتح - عند الكلام على قول الشافعي بحرمة الوطء -: إنه عندنا يحل لقيام ملك النكاح من كل وجه، وإنما يزول عند انقضاء العدة فيكون الحل قائماً قبل انقضائها. اهـ. ... (قوله: كمس) أي بشهوة، كما في المنح".(الدر المختار وحاشية ابن عابدين (رد المحتار) (3/ 397):

الدر المختار وحاشية ابن عابدين 

(رد المحتار) میں ہے 

(وينكح مبانته بما دون الثلاث في العدة وبعدها بالإجماع) ومنع غيره فيها لاشتباه النسب"(الدر المختار وحاشية ابن عابدين (رد المحتار) (3/ 409)

واللہ ورسولہ اعلم بالصواب 

كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال