(192)
کیا دیہات میں عیدین کی نماز پڑھنے پر گناہ ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم و رحمتہ اللہ و برکاتہ
کیا فرماتے ہیں علمائے کرام اس مسئلہ میں کہ زید ایک گاؤں میں رہتا ہے جو کہ دیہات ہے وہاں پر ایک مسجد ہے اور ایک عید گاہ بھی جو صدیوں پرانا ہے زید عید گاہ میں عیدالفطر کی نماز پڑھنے گیا تو راستے میں ایک عالم دین سے ملاقات ہوئی عالم صاحب نے پوچھا آپ کہاں گئے تھے زید نے جواب دیا عید الفطر کی نماز پڑھنے اُسپر عالم صاحب نے کہا کہ آپکی نماز نہیں ہوئی کیوں کے دیہات کے عید گاہ میں عیدالفطر کی نماز پڑھنا مکروہِ تہریمی اگر آپ کو نماز پڑھنا ہے تو کسی شہر کے عید گاہ میں جاکر پڑھیں ورنہ آپکی نماز بھی نہیں ہوگی اور آپ گنہگار بھی ہونگے جبکہ اس گاؤں میں عید گاہ تکریبن ایک سو سال سے بھی پرانا ہے اور اس میں بڑے بڑے علماء نے نماز پڑھائی ہے اب سوال یہ ہے کہ اگر عالم صاحب کی بات درست ہے تو جو لوگ ابھی تک نماز پڑھتے ائے ہیں صدیوں سے اور جو لوگ امامت کیے ہیں یے سب گنہگار ہیں سب کی نماز مکروہ تہریمی ہوئی یہ نماز ہو گئی اگر نہیں ہوئی تو اب گاؤں کے لوگ کیا کریں توبہ کریں اور کسی شہر میں جاکر نماز پڑھیں یا انپر نماز ہی نہیں عید الفطر اور عید الضحیٰ کی قرآن حدیث کی روشنی میں تفصیلی تحریری بحوالہ جواب عنایت فرمائیں کرم نوازی ہوگی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سائل رئیس احمد انصاری رسول پور پوسٹ بھنگہا بازار ضلع شرا وستی یو پی انڈیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم
وعلیکم السلام ورحمة الله وبركاته
الجواب بعونه تعالي عز وجل
عید کی نماز کی شرائط بھی وہی ہیں جو کہ جمعہ کے قائم کرنے کے لیے ہیں، جن میں شہر کا ہونا بھی مستقل شرط ہے، اس بناء پر جس دیہات ، گاؤں میں جمعہ نہیں ہوتا، وہاں پر عید کی نماز کی ادائیگی بھی جائز نہیں ہے۔
لما في الدر المختار:
’’صلوٰۃ العید في القری تکرہ تحریماً‘‘. (کتاب الصلوٰۃ،باب العیدین:۳/۵۲رشیدیۃ).
وفي البحر:
’’صلوٰۃ العید في الرساتیق تکرہ کراھۃ التحریم؛ لأنہ اشتغال بما لایصح، لأن المصر شرط الصحۃ‘‘.
کتاب الصلوٰۃ،بابالجمعۃ:۲/۲۷۷رشیدیۃ.
وفي اعلاء السنن:
عن علي رضي اللہ عنہ قال: لا جمعۃ ولا تشریق ولا صلوٰۃ فطر ولا أضحٰی إلا في مصر جامع أو مدینۃ عظیمۃ‘‘.
أبواب العیدین، باب تکبیرات التشریق:۸/۱۲۸،إدارۃ القرآن
حاصل کلام یہ ہے کہ دیہات میں نہ جمعہ ہے نہ عیدین مگر جس طرح عوام کو جمعہ سے منع نہ کیا جائے گا یوں ہی عیدین سے بھی منع نہ کیا جائے جیسا کہ امام اہلسنت سیدی اعلٰی حضرت امام احمد رضا خان بریلوی قدس سرہ تحریر فرماتے ہیں کہ " جمعہ و عیدین دیہات میں ناجائز ہے اور ان کا پڑھنا گناہ مگر جاہل عوام اگر پڑھتے ہوں تو انہیں منع کرنے کی بھی ضرورت نہیں کہ عوام جس طرح سے اللہ و رسول کا نام لے لیں غنیمت ہے " اھ ( فتاوی رضویہ ج 3 ص 719 قدیم )
اس لئے مذکورہ صورت میں عیدین کی نماز پڑھتا یا پڑھانا کوئی گناہ نہیں ہے۔ ہاں نہ پڑھے تو بھی کوئی گناہ نہیں ہے
واللہ ورسولہ اعلم بالصواب
كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
0 تبصرے