(210)
کیا حفاظ کرام کے نام سے جمع کیے گے پیسے مسجد میں لگا سکتے ہیں؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمتہ اللہ وبرکاتہ
کیا فرماتے ہیں مفتیان کرام اس مسئلہ کے بارے میں کہ حفاظ کرام کے نام سے جمع کیے گے پیسے مسجد میں لگا سکتے ہے کہ نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سائل محمد کامران خیرآبادی مقام اسلام آباد پاکستان
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم
وعلیکم السلام ورحمة الله وبركاته
الجواب بعونه تعالي عز وجل
جو چندہ جس مقصد کے لیے جمع کئے گئے ہوں اسی مقصد میں استعمال کرنا ضروری ہے۔
اگر امام کی تنخواہ یا ہدیہ کے لیے پیسے جمع کئے گئے ہوں تو امام کے علاوہ کسی دوسری جگہ یا مسجد میں رقم صرف کرنا جائز نہیں ہے۔ اگر مسجد کوضرورت ہو تو مسجد اور امام کا الگ الگ چندہ کرے۔
یاد رہے مسجد کی رقم امام کو اجرت میں دے سکتےہیں کہ امام مصالح مسجد سےہیں مگرخاص امام کی تنخواہ مسجد میں صرف کرنا جائز نہیں ہے
اگر دینے والے اجازت دے تو مسجد میں بھی صرف کر سکتے ہیں۔ ورنہ نہیں۔
امام کے لیے چندہ کرکے مسجد میں صرف کرنا جائز نہیں۔ ہاں وہاں کے عرف ہوں اور سب کو معلوم ہو تو حرج نہیں۔
بہرحال اگر واقعةً چندہ وصول کرنے والوں نے۔دینے والوں کی اجازت کے بغیر مسجد میں صرف کیا تو بہت برا کیا، ان پر ضروری ہے کہ معطین چندہ کو اس کی اطلاع دیں، اگر معطین مسجد میں صرف کیے جانے پر ناراضگی کا اظہار کریں تو وصول کنندہ پر ضروری ہے کہ وہ اپنے جیب سے معطین کی رقم انھیں واپس کریں۔
واللہ ورسولہ اعلم بالصواب
كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
0 تبصرے