بیچنے کے لیے زمین خریدی تو اس پر زکات ہوگی یا نہیں؟

 (199)

بیچنے کے لیے زمین خریدی تو اس پر زکات ہوگی یا نہیں؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمتہ اللہ وبرکاتہ 

کیا فرماتے ہیں علمائے دین اس کے بارے میں۔کہ میں نے کچھ زمین لے لی ہے اور اس میں کچھ پیسہ دے دیا ہے اور کچھ باقی ہے جو پیسہ دے دیا ہے اس میں زکوۃ دینا ہوگی یا نہیں وہ جگہ اس لیے لیا گیا کہ بعد میں قیمت زیادہ ہونے پر  بیچ دی جائے گی

مفتی صاحب میں امید کرتی ہوں جواب ضرور دیں گے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 سائلہ زہرہ فاتمہ لکھنؤ انڈیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل 

اگر کوئی شخص کوئی چیز (خواہ زمین ہو یا کوئی او رچیز ) اس نیت سے خریدے کہ آئندہ جب قیمت بڑھے گی بیچ دین گے تو یہ شرعا مال تجارت شمار ہوتا ہے ، اس کی ہر سال مارکیٹ ویلو کے حساب سے زکات اداکرناضروری ہوتا ہے ، 

مذکورہ زمین پر جب سال گزر جائے تو زمین کی قیمت یعنی 

مارکیٹ ویلو کے حساب سے زکات ہوگی جبکہ آپ مالک نصاب ہوں۔

اور باقی پیسے جو بچے ہیں اگر اس پر بھی سال گزر جائے تو اس میں بھی ڈھائئ فیصد زکات واجب ہوگی۔

فتاوی شامی میں ہے 

(وما اشتراہ لہا) أی للتجارة (کان لہا) لمقارنة النیة لعقد التجارة (لا ما ورثہ ونواہ لہا) لعدم العقد إلا إذا تصرف فیہ أی ناویا فتجب الزکاة لاقتران النیة بالعمل.... والأصل أن ما عدا الحجرین والسوائم إنما یزکی بنیة التجارة بشرط عدم المانع المؤدی إلی الثنی وشرط مقارنتہا لعقد التجارة.... ولونوی التجارة بعد العقد أواشتری شیئا للقنیة ناویا أنہ إن وجد ربحا باعہ لا زکاة علیہ 

(الدر المختار مع رد المحتار 3/193،)

واللہ ورسولہ اعلم بالصواب 

كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال