کیا بدمذہب سے شادی کرنا جائز ہے

 (224)

کیا بدمذہب سے شادی کرنا جائز ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمتہ اللہ وبرکاتہ 

کیا فرماتے ہیں علمائے دین و مفتیان شرع متین مسئلہ ذیل کے بارے میں کہ

کیا سنی لڑکی کا نکاح دیوبندی وہابی لڑکے سے ہو سکتا ہے یا نہیں؟

شرعی رہنمائی فرمائیں جزاک اللہ خیرا کثیرا 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سائلہ عائشہ فاطمہ ایم پی انڈیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمدہ و نصلی علی رسولہ الکریم 

وعلیکم السلام ورحمتہ اللہ وبرکاتہ 

اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ

صورت مسئولہ میں بدمذہب کے عقائد اگر حد کفر کو پہنچ چکے ہوں تو اس سے نکاح منعقد ہی نہیں ہوگا جیسے کہ عناصر اربعہ کے عقائد کفریہ ہیں 

اور اگر اس دیوبندی وہابی کے عقائد حد کفر کو نہ پہنچے ہو تو نکاح منعقد ہو جائے گا مگر ایسے شخص سے نکاح سے بچنا چاہئیے کہ خیر اسی میں ہے 

بہار شریعت میں ہے 

فاسق شخص متقی کی لڑکی کا کفو نہیں  اگرچہ وہ لڑکی خود متقیہ نہ ہو۔ (درمختار وغیرہ) اور ظاہر کہ فسق اعتقاد فسقِ عملی سے بدر جہا بدتر، لہٰذا سُنی عورت کا کفو وہ بد مذہب نہیں  ہوسکتا جس کی  بدمذہبی حدِ کفر کو نہ پہنچی ہو اور جو بد مذہب ایسے ہیں  کہ ان کی  بد مذہبی کفر کو پہنچی ہو، ان سے تو نکاح ہی نہیں  ہوسکتا کہ وہ مسلمان ہی نہیں  ، کفو ہونا تو بڑی بات ہے جیسے روافض و وہابیۂ زمانہ 

(بہار شریعت جلد اول حصہ ہفتم ص 55)

وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللہ تَعَالٰی عَلَیْہِ وَاٰلِہٖ وَسَلَّم

کتبتہ کنیز فاطمہ قادریہ رضویہ شہر کانپور فقہی مسائل برائے خواتین شرعی سوال و جواب

05/04/2025

تصحیح و تصدیق حضرت مفتی محمد مجیب قادری حنفی العربی دار الافتاء البرکاتی علماء فاؤنڈیشن شرعی و جواب ضلع سرہا نیپال