بکری کا بچہ اگر گدھی کے دودھ سے پرورش پائے تو اس کا کھانا حلال ہوگا یا نہیں؟

 (225)

بکری کا بچہ اگر گدھی کے دودھ سے پرورش پائے تو اس کا کھانا حلال ہوگا یا نہیں؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمتہ اللہ وبرکاتہ 

کیا فرماتے ہیں علمائے دین و مفتیان شرع متین مسئلہ ذیل کے بارے میں کہ

بکری کا بچہ اگر گدھی کے دودھ سے پرورش پائے تو اس کا کھانا حلال ہوگا یا نہیں؟

شرعی رہنمائی فرمائیں جزاک اللہ خیرا کثیرا 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سائلہ رہنما فاطمہ ممبئی انڈیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمدہ و نصلی علی رسولہ الکریم 

وعلیکم السلام ورحمتہ اللہ وبرکاتہ 

اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ

صورت مسئولہ میں اگر بکری کا بچہ گدھی کے دودھ سے پرورش پائے تو کا کھانا کچھ قیود و شروط کے ساتھ حلال ہوگا

اگر بکری کے بچے کو چند روز تک قید کرکے رکھا جائے اور اسے چارہ وغیرہ کھلایا جائے تو اس کا کھانا حلال ہوگا 

اور اگر دودھ پینے کے زمانے ہی میں اسے ذبح کرکے کھایا جائے تو اس کا کھانا حلال نہ ہوگا 

اسی طرح کا سوال اعلی حضرت عظیم البرکت مجدد دین و ملت کنز الکرامات جبل الاستقامت حقانیت کی شان سنیوں کی جان احمد رضا خان علیہ الرحمہ والرضوان سے فتاوی رضویہ میں کیا گیا جس کے جواب میں آپ تحریر فرماتے ہیں 

ہندیہ کی کتاب الصید والذبائح میں ہے:

الجدی اذا کان یربی بلبن الاتان والخنزیران اعتلف ایاما، فلا باس لانہ بمنزلۃ الجلالۃ والجلالۃ اذا حبست ایاما فعلفت لاباس بہا فکذا ہذا، کذا فی الفتاوٰی الکبری۔

بکری کا بچہ گدھی یا خنزیر کے دودھ سے پرورش پائے پھر چند روز چارہ کھالے تو کوئی حرج نہیں ہے کیونکہ گندگی کھانے والے جانور کی طرح ہے اور یہ گندگی کھانے والا اگر چند روز قید میں رکھا جائے اور چارہ کھائے تو کوئی حرج نہیں اسی طرح یہ بھی ہے، فتاوٰی کبرٰی میں ایسے ہی ہے۔

۔(فتاوٰی ہندیۃ کتاب الذبائح الباب الثانی نورانی کتب خانہ پشاور ۵/ ۲۹۰)

اسی طرح خزانۃالمفتین میں برمز فتاوٰی کبرٰی سے منقول 

اسی طرح خزانۃالمفتین میں برمز فتاوٰی کبرٰی سے منقول

فقدعلق نفی الباس علی الاعتلاف فافاد وجودہ عندعدمہ، والباس انما ہو فیما ینہی عنہ۔

انھوں نے حرج کی نفی کو چارہ کھانے سے معلق کیا ہے تو چارہ نہ کھانے کی صورت میں حرج کا وجود ثابت ہوتا ہے اور حرج کا تعلق ممنوع چیز ہے

لہذا اختلاف علماء سے بچنے کے لئے اسلم وہی ہے کہ چند روز کا وقفہ دے کر ذبح کریں، (فتاوی رضویہ جلد 21 ص 41)

وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللہ تَعَالٰی عَلَیْہِ وَاٰلِہٖ وَسَلَّم

کتبتہ کنیز فاطمہ قادریہ رضویہ شہر کانپور فقہی مسائل برائے خواتین شرعی سوال و جواب

05/04/2025

تصحیح و تصدیق حضرت مفتی محمد مجیب قادری حنفی العربی دار الافتاء البرکاتی علماء فاؤنڈیشن شرعی و جواب ضلع سرہا نیپال