کیا خرگوش کا خون بطور علاج پی سکتے ہیں؟

 (229)

کیا خرگوش کا خون بطور علاج پی سکتے ہیں؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمتہ اللہ وبرکاتہ

کیا فرماتے ہیں علماۓ کرام اور مفتیان عظام اس مسئلہ کے متعلق

کیا خرگوش کو ذبح کرکے اس کا خون پینا کیسا ہے کیا جس کو سانس کا مسئلہ ہو تو کیا وہ خرگوش کو ذبح کر کے اس کا خون پی سکتا ہے شرعا کیا حکم ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سائل نور الحسن شہر گوجرانوالہ پاکستان

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل 

کسی مرض کے علاج کے لئے خون کو  دوا کے طور پر پینا جائز نہیں ہے کہ یہ حرام ہے اور اللہ پاک نے حرام چیز میں شفا نہیں رکھی ۔ (ایسا ہی فتاوی اہل سنت میں ہے)

واضح رہے کہ خون ناپاک اور حرام ہے، اور حرام چیز کھانا اور پینا کسی صورت میں حلال  نہیں ہوتا، البتہ اگر جان کنی کی کیفیت ہو اور جان بچانے کے لیے کوئی حلال چیز دست یاب نہ ہو تو ایسی صورت میں جان بچانے کے لیے اتنی مقدار جس سے جان بچ جائے حرام  چیز کو کھا کر یا پی کر جان بچانے کی اجازت قرآنِ مجید میں اللہ رب العزت نے دی ہےلہذا حالت اضطرار میں جب جان کا خطرہ  ہواور کوئی چیز دستیاب نہ ہو تو خون پینے  کی اجازت ہے ورنہ نہیں ۔

ارشاد باری تعالی  ہے

إِنَّمَا حَرَّمَ عَلَيْكُمُ الْمَيْتَةَ وَالدَّمَ وَلَحْمَ الْخِنْزِيرِ وَمَا أُهِلَّ بِهِ لِغَيْرِ اللَّهِ فَمَنِ اضْطُرَّ ‌غَيْرَ ‌بَاغٍ وَلَا عَادٍ فَلَا إِثْمَ عَلَيْهِ إِنَّ اللَّهَ غَفُورٌ رَحِيمٌ}

ترجمہ:"الله نے تو تم پر  صرف حرام کیاہے مردارکو اورخون کو(جو بہتاہو)اورخنزیز کے گوشت کو(اسی طرح کے  سب اجزاءکو بھی)اور ایسےجانور کوجو (بقصد تقرب) غیر اللہ کے لیے نامزد کردیاہو،پھر بھی جو شخص (بھوک سے  بہت  ہی)بے تاب ہوجائے بشرطیکہ نہ تو طالب لذت ہواور نہ قدر حاجت سے تجاوز کرنے والا ہو تو اس شخص ہر کچھ گناہ نہیں ہوتا،و اقعی اللہ تعالی ہی بڑا غفور  ورحیم۔"

احکام القرآن للجصاص میں ہے:

قال أبو حنيفة وأبو يوسف ومحمد وزفر والشافعي فيما رواه عنه المزني: لا يأكل المضطر من الميتة إلا مقدار ما يمسك به رمقه. (‌‌باب في مقدار ما يأكل المضطر ج:1،ص 158،ط:دار الكتب العلمية بيروت،لبنان)

واللہ ورسولہ اعلم بالصواب 

كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال