(228)
عید کے دن تعزیت کرنا کیسا ہے جبکہ دو دن پہلے انتقال کر گئے ہوں؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمتہ اللہ وبرکاتہ
کیا فرماتے ہیں علماۓ کرام اور مفتیان عظام اس مسئلہ کے متعلق
عید کے دن تعزیت کرنا کیسا ہے اور اگر کوئی شخص عید سے ایک یا دو دن پہلے فوت ہو جاۓ اور ایک یا دو دن بعد عید آگئی تو اب عید کے دن تعزیت کر سکتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سائل نور الحسن شہر گوجرانوالہ پاکستان
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم
وعلیکم السلام ورحمة الله وبركاته
الجواب بعونه تعالي عز وجل
تعزیت کا وقت موت کے بعد تین دن تک ہے، تین دن کے بعد تعزیت مکروہ ہے، ہاں اگر میت کےگھر والے یا تعزیت کرنے والا وفات کے بعد تین دن تک موجود نہ ہو تو تین دن کےبعد بھی تعزیت کرنا مکروہ نہیں ہے اور ایک مرتبہ تعزیت کے بعد دوبارہ تعزیت کرنا بھی صحیح نہیں
مذکورہ صورت میں تین دن کے اندر عید کے دن بھی تعزیت کر سکتے ہیں۔
کما فی الدر: وبالجلوس لها فی غیر مسجد ثلاثة ایام واولها افضل وتکره بعدها الا لغائب وتکره التعزیة ثانیا الخ. (۲/ ۲۴۱)-
وفی الشامیة: تحت (قوله وتکره بعدھا) لانها تجدد الحزن والظاهر انها تنزیهیة اھ (۲/ ۲۴۱)
واللہ ورسولہ اعلم بالصواب
كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
0 تبصرے