(232)
طلاق کے بعد جہیز کا سامان کس کا ہوگا؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمتہ اللہ وبرکاتہ
کیا فرماتے ہیں علمائے دین و و شرع متین مسئلہ ذیل کے بارے میں
کیا طلاق کے بعد سسرال والے لڑکی سے سامان کا مطالبہ کر سکتے ہیں جو اسے شادی میں دیا گیا تھا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سائلہ شہر بانو شہر کمالیہ پاکستان
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم
وعلیکم السلام ورحمة الله وبركاته
الجواب بعونه تعالي عز وجل
جہیز میں جو کچھ بیوی لے کر آتی ہے وہ بیوی کی ہی ملکیت ہوتا ہے ، جو چیزیں بطورِ تحفہ میاں بیوی یا ان دونوں کے رشتہ دار دیتے ہیں ان پر اسی کی ملکیت ہوتی ہے جس کو تحفۃً دیا گیا ہو، پس گھریلو سامان کی تقسیم اسی بنیاد پر ہوگی۔ اور جو زیور لڑکے والوں کی طرف سے ملتاہے،اگر اس کے دیتے وقت سسرال والوں نے اس بات کی صراحت کی تھی کہ یہ بطورِ عاریت یعنی صرف استعمال کرنے کے لیے ہیں تو پھر یہ زیورات اور سامان لڑکے والوں کی ملکیت ہوں گے، اور اگر سسرال والوں نے ہبہ ، گفٹ اور مالک بناکر دینے کی صراحت کردی تھی تو پھر ان زیورات اور سامان کی مالک لڑکی ہوگی، اگر اس کے دیتے وقت کوئی صراحت نہ کی ہو تو اس میں شوہر کے خاندان کے عرف کا اعتبار ہوگا، اگر ان کے ہاں بطورِ ملکیت دینے کا رواج ہو تو وہ بیوی کی ملکیت شمار ہوگا، اگر عاریتًا دینے کا رواج ہوتو بیوی کی ملکیت نہیں ہوگا اور اگر لڑکے والوں کے ہاں کوئی عرف نہ ہو تو عرفِ عام کا اعتبار کرتے ہوئے یہ زیور اور سامان وغیرہ گفٹ سمجھا جائے گا اور لڑکی کی ملکیت ہوگا۔
مذکورہ قاعدہ کی رو سے جو سامان اور زیورات وغیرہ لڑکی کی ملکیت ہوں تو طلاق کے بعد لڑکی سامان اور زیورات وغیرہ کو لے جاسکتی ہے، لیکن جو سامان اور زیورات وغیرہ لڑکی ملکیت نہ ہوں وہ لڑکی اپنے ساتھ لے کر نہیں جاسکتی ہے۔
واللہ ورسولہ اعلم بالصواب
كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
0 تبصرے