گروی رکھی ہوئی زمیں سے فائدہ اٹھا نا کیسا ہے؟

 (258)

گروی رکھی ہوئی زمیں سے فائدہ اٹھا نا کیسا ہے؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمتہ اللہ وبرکاتہ 

کیا فرماتے ہیں علمائے دین ومفتیان شرع متین مسائل ذیل میں کہ زید بکر سے ایک ہزار روپے کے عوض ایک کٹھہ کھیت لینا چاہتا ہے بدلے میں جب تک بکر ایک ہزار روپے زیدکو نہیں دیگا تبک اس کھیت سے جوبھی پیداوار ہوگا وہ سب زید کا ہوگا تو کیا زید کا اس طرح بکر سے کھیت لینا جائز ہے یا نہیں اگر نہیں تو جاءز کی کیا صورت ہے  اگر بکر کی جگہ زید کسی کافر سے مذکورہ بالا طور پہ کھیت لے سکتا ہے یا نہیں مکمل جواب عنایت فرمائیں عین کرم ہوگا 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

محمد زبیر احمد قادری مجولیا بازار ضلع سیتا مڑھی بہار انڈیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل 

رہن میں رکھی ہوئی زمیں سے فائدہ اتھا نا حرام و گناہ ہے کہ یہ قرض پر سود یے۔ 

قرض کے بدلے میں اپنی کوئی چیز (زمین وغیرہ) قرض دینے والے کے پاس رکھوانے کو ’’رہن‘‘ یعنی گروی رکھوانا کہتے ہیں اور جس کےپاس وہ چیز گروی رکھی جائے اس کے لیے اس چیز سے فائدہ لینا (اگرچہ وہ رہن رکھوانے والے کی اجازت سے ہی کیوں نہ ہو) شرعًا جائز نہیں ہے۔

بصورتِ مسئولہ قرض  کےبدلے جو زمین قرض خواہ کے پاس گروی رکھی گئی ہے،  قرض خواہ کے لیے اس زمین سے فائدہ اٹھانایعنی زراعت، کاشتکاری کرنا  شرعًا جائز نہیں ہے۔

فتاوی شامی میں ہے:

"وشرعًا (حبس شيء مالي بحق يمكن استيفاؤه) أي أخذه (منه) كلًّا أو بعضًا."(کتاب الرھن، ج:6، ص:477،)

فتاوی شامی میں ہے

وفي الأشباه: كلّ قرض جرّ نفعًا حرام، فكره للمرتهن سكنى المرهونة بإذن الراهن.

لايحل له أن ينتفع بشيء منه بوجه من الوجوه وإن أذن له الراهن، لأنه أذن له في الربا."

۔(مطلب کل قرض جر نفعًا حرام، ج:5، ص:166،) 

البتہ کافر سے مباح سمجھ کر فائدہ حاصل کر سکتے ہیں حاصل کلام یہ ہے کہ کافر حربی  اور مسلمان کے درمیان سود کے لین دین کا معاملہ مختلف ہے ۔ ہدایہ میں ہے: ”لَا رِبوٰا بَیْنَ الْمُسْلِمِ وَالْحَرْبِی“ ترجمہ: مسلمان اور حربی کافر کے درمیان سود نہیں ہوتا۔ (ہدایہ آخرین، صفحہ 90)

یہی وجہ ہے کہ فقہائے کرام نے کافر حربی سے اس عقد کے  ذریعے نفع لینے کو جائز قرار دیا ہے جو سودی طریقے پر مشتمل ہو مثلاً کافر کو قرض دے کر زائد رقم لینا مسلمان کے لئے جائز ہے لیکن سود کی نیت ہرگز نہیں کرے گا بلکہ جائز نفع سمجھ کر لے گا۔ واضح رہے کہ  فقہاء کرام نے اس کا اُلٹ کرنے کی اجازت عام حالات میں نہیں دی یعنی یہ جائز نہیں کہ مسلمان کافر سے قرضہ لے اور اس پر اسے سودی طریقے پر نفع دے۔

واللہ ورسولہ اعلم بالصواب 

كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال