کیا نکاح میں شرعی گواہان کا ہونا ضروری ہے؟

 (260)

کیا نکاح میں شرعی گواہان کا ہونا ضروری ہے؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمۃ اللہ وبرکاتہ 

اللہ تعالی اپ کو سلامت رکھے 

کیا فرماتے ہیں علماء دین و مفتیان شرع متین اس مسئلہ ذیل کے بارے میں

۔1 کہ زید نے ہندہ سے کہا میں اللہ اور اس کے رسول کو گواہ بنا کر اپنے اپ کو تیرے حوالے کیا تو ہندہ نے کہی میں نے قبول کی اس طرح سے زید نے تین بار یہ الفاظ کہے تو ہندہ نے تینوں مرتبہ کہی میں نے قبول کی میں نے قبول کی میں نے قبول کی 

۔2 یا ہندہ نے زید سے کہا میں اللہ اور اس کے رسول کو گواہ بنا کر اپنے اپ کو تیرے نکاح میں دی تو زید نے کہا میں نے قبول کیا

 اس طرح سے ہندہ نے تین مرتبہ یہ الفاظ کہی اور زید نے تینوں مرتبہ کہا میں نے قبول کیا  میں نے قبول کیا  میں نے قبول کیا 

تو کیا زید یا ہندہ کا اس طرح کہہ دینے سے نکاح ہو جائے گا 

قران و احادیث کی روشنی میں مفصل جواب عنایت فرمائیں بڑی مہربانی ہوگی 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السائل محمد کیف عالم سیتا مری بہار انڈیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل 

مذکورہ صورت میں نکاح منعقد نہیں ہوا چونکہ نکاح منعقد ہونے کے لئے ایجاب و قبول کے ساتھ شرعی گواہان کا ہونا شرائط نکاح سے ہیں جو مفقود ہیں ۔ 

انعقادِ نکاح کے لئے ضروری ہے کہ لڑکا لڑکی خود یا ان کی طرف سے مقرر کردہ وکیل دو عاقل بالغ مسلمان مرد یا اسی طرح کی دوعورتوں اور ایک مرد کے سامنے اس طرح ایجاب و قبول کریں کہ گواہان ان کے ایجاب و قبول کو سنیں۔ 

فتاوی شامی میں ہے 

وشرط سماع کل من العاقدین لفظ الآخر لیتحقق رضاہما وشرط حضور شاہدین حرّین أو حرّ وحرّتین، مکلفین سامعین قولہما معاً الخ 

(درمختار مع الشامی: ۴/۸۶،)

واللہ ورسولہ اعلم بالصواب 

كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال