کیا بیٹھ کر نفل نماز پڑھتے میں ادھا ثواب ہے؟ اور یہ حدیث میں ہے؟

 (269)

کیا بیٹھ کر نفل نماز پڑھتے میں ادھا ثواب ہے؟ اور یہ حدیث میں ہے؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم و رحمتہ اللہ و برکاتہ

کیا فرماتے ہیں علمائے کرام اس مسئلہ میں کہ زید نفل نماز بیٹھ کر پڑھ تھے تو بکر نے اس طرح دیکھا تو کہا کہ نفل نماز کھڑے ہو کر پڑھا کرو کھڑے ہو کر پڑھنے میں دوگنا ثواب ہے تو زید کہنے لگا دوگنا نہیں بلکہ کچھ زیادہ ہے بکر بولا ہم علماء سے سنا ہے کہ رسول اللہ صلی اللہ علیہ وسلم نے اسی طرح فرمایا اب سوال یہ ہے کہ کس کا کہنا درست ہے اگر رسول اللہ صلی اللہ علیہ وسلم نے ارشاد فرمایا تو کس حدیث سے ثابت ہے تفصیلی تحریری جواب عنایت فرمائیں کرم نوازی ہوگی 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سائل رئیس احمد انصاری رسول پور پوسٹ بھنگہا بازار ضلع شرا وستی یو پی انڈیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل 

بیٹھ کر نفل پڑھنا جائز ہے، مگر اس کا ثواب کھڑے ہوکر نفل پڑھنے سے آدھا ہے،جبکہ بیٹھ کر نماز پڑھنا کسی عذر سے نہ ہو ۔

سنن نسائی میں ہے۔

اخبرنا حميد بن مسعدة، عن سفيان بن حبيب، عن حسين المعلم، عن عبد الله بن بريدة، عن عمران بن حصين، قال: سالت النبي صلى الله عليه وسلم عن الذي يصلي قاعدا , قال:" من صلى قائما فهو افضل ومن صلى قاعدا فله نصف اجر القائم , ومن صلى نائما فله نصف اجر القاعد".

عمران بن حصین رضی اللہ عنہما کہتے ہیں کہ میں نے نبی اکرم صلی اللہ علیہ وسلم سے بیٹھ کر نماز پڑھنے والے شخص کے بارے میں پوچھا: تو آپ نے فرمایا: ”جس نے کھڑے ہو کر نماز پڑھی وہ سب سے افضل ہے، اور جس نے بیٹھ کر نماز پڑھی تو اسے کھڑے ہو کر پڑھنے والے کی نماز کا آدھا ثواب ملے گا، اور جس نے لیٹ کر نماز پڑھی تو اسے بیٹھ کر پڑھنے والے کے آدھا ملے گا“

واللہ ورسولہ اعلم بالصواب 

كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال