ذاتی دشمنی کی بنا پر جماعت ترک کرنا شرعا کیا حکم ہے؟

(268)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمتہ اللہ وبرکاتہ

کیا فرماتے ہیں علماء کرام ومفتیان شرع متین اس مسلہ کے بارے میں کوئی شخص کسی مسلمان سےذاتی اختلاف کے وجہ سےبغض حسد کی بنا پر حالت نماز میں اس کے بغل نہ کھڑا ہو اور اگر کبھی وہ شخص جو کی دینی معلومات میں اس سے زیادہ جانتا ہے نماز پڑھاۓ تو اس کے پیچھے نہ پڑھے صرف ذاتی اختلاف کے وجہ سے تو ایسے شخص کے بارے میں شریعت کا کیا حکم ہے ؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ساںٔل جمیل اشرف سبحانی یو پی الہند

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم

وعلیکم السلام ورحمة الله وبركاته

الجواب بعونه تعالي عز وجل

نماز میں جماعت کے لیے صف بندی ضروری ہے ذاتی اختلاف کی وجہ سے صف بندی نہ کرنا گناہ یے۔ جن میں شرائط امامت ہائی جاتی ہو ذاتی اختلاف کی وجہ سے ان کے پیچھے نماز نہ پڑھ کر تنہا نماز پڑھے اور جماعت ترک کرے گناہ یے ۔

حدیث شریف میں ہے

۔1) سیدنا جابر بن سمرہ رضی اللہ عنہ ایک حدیث بیان کرتے ہوئے کہتے ہیں :

قَالَ : أَلَا تَصُفُّونَ كَمَا تَصُفُّ الْمَلَائِكَةُ عِنْدَ رَبِّهَا ؟ فَقُلْنَا : يَا رَسُولَ اللَّهِ ! وَكَيْفَ تَصُفُّ الْمَلَائِكَةُ عِنْدَ رَبِّهَا ؟ قَالَ : يُتِمُّونَ الصُّفُوفَ الْأُوَلَ وَيَتَرَاصُّونَ فِي الصَّفِّ .

رسول اللہ صلی اللہ علیہ وسلم نے فرمایا : ”تم اس طرح کیوں صفیں نہیں بناتے جس طرح فرشتے اپنے رب کے ہاں صفیں بناتے ہیں ؟“ ہم نے عرض کیا : اے اللہ کے رسول ! فرشتے اپنے رب کے ہاں کیسے صفیں بناتے ہیں ؟ فرمایا : ”وہ پہلی صفوں کو مکمل کرتے ہیں اور صف میں ایک دوسرے سے یوں مل کر کھڑے ہوتے ہیں کہ درمیان میں کوئی فاصلہ باقی نہیں رہتا

۔“(صحیح مسلم : 180/1، ح430)

۔(2) سیدنا ابومسعود انصاری رضی اللہ عنہ بیان کرتے ہیں :

كان رسول الله صلى الله عليه وسلم يمسح مناكبنا فى الصلاة ويقول: ”استووا، ولا تختلفوا، فتختلف قلوبكم“، . . . قال أبومسعود : فأنتم اليوم أشد اختلافا .

’’رسول اللہ صلی اللہ علیہ وسلم نماز (کی صفوں ) میں ہمارے کندھوں کو ہاتھوں سے برابر کرتے اور فرماتے : سیدھے ہو جاؤ، ٹیڑھے نہ ہو جاؤ، ورنہ تمہارے دل ٹیڑھے ہو جائیں گے۔۔۔ ابومسعود رضی اللہ عنہ کہتے ہیں کہ آج تم (صفوں کی درستی میں سستی کی بناء پر) سخت اختلاف کا شکار ہو۔“ (صحيح مسلم : 181/1، ح 432)

معلوم ہوا کہ صفیں ٹیڑھی ہوں تو اس کی سزا میں دل بھی ٹیڑھے ہو جاتے ہیں، مودّت ومحبت ختم ہو جاتی ہے، دشمنی اور عداوت گھر کر جاتی ہے، دلوں کو بغض، حسد اور عناد جیسی مہلک بیماریاں گھیر لیتی ہیں، بھائی بھائی کا دشمن بن جاتا ہے، دوستی رنجشوں میں بدل جاتی ہے، دلوں میں ایسی پھوٹ پڑتی ہے کہ ایک دوسرے کا چہرہ دیکھنا گوارا نہیں ہوتا۔ آج بھی اختلاف و انتشار کی بنیادی وجہ یہی ہے کہ حدیث کو فیصل و حاکم مان کر اس پر عمل نہیں کیا جاتا۔

ایسے لوگوں کو اللہ تعالیٰ روز قیامت ضرور پوچھے گا

شریعتِ مطہرہ میں مخصوص شرائط کی موجودگی میں جماعت کے ساتھ نماز پڑھنا واجب ہے ،اور ایسا شخص جس پر جماعت واجب ہو ،اور وہ بلا عذر شرعی ایک بار بھی اسے ترک کرے تو وہ گنہگار ہے،اور اگر ترک کرنے کی عادت بنا لیتا ہےتو وہ فاسق ِ معلن ہے،اگر کوئئ شخص ترک جماعت کا عادی ہو تو اس پر توبہ لازم و ضروری ہے۔ (کتب فقہ عامہ)

واللہ ورسولہ اعلم بالصواب

كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال