نکاح خوانی کا پیسہ کس کا حق ہے؟

 (267)

نکاح خوانی کا پیسہ کس کا حق ہے؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسلام علیکم ورحمتہ اللہ وبرکاتہ 

کیا فرماتے ہیں علمائے کرام و مفتیان عظام مسلہ ھذا کی بابت کہ نکاحی پیسہ کس کا حق ہے؟ نکاح خواں امام کا یا مسجد کا  جہاں میں زیر امامت ہوں یہاں کمیٹی کی طرف سے ایک مقرر شدہ رقم (پیسہ) ہے جو کہ8786 روپیےہیں اس میں سے صرف دو ہزار امام صاحب جو کہ نکاح خواں ہوتے ہیں'  ان کو دیا جاتا ہے اور باقی رقم مسجد کے نام سے جمع لے لی جاتی ہے کیا مذکورہ رقم مسجد میں  دینا جائز ہے ؟ حکم شرع واضح فرماکر عند اللّٰہ ماجور ہو

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 ساءل: محمد غلام غوث نوری ضلع: بانکا۔ بہار انڈیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل 

نکاح کی اجرت لینا اسی شخص کا حق ہوتا ہے جو نکاح پڑھاتا ہے، محلہ کا امام اگر نکاح نہ پڑھائے تو وہ نکاح کی اجرت کا حق دار نہیں ہوگا۔اگر وہ نکاح پڑھائے تو وہی حقدار ہے۔ 

اور نکاح خواں پہلے اجرت مقرر کرکے نکاح پڑھائے تو یہ بھی جائز ہے، اور اس کو مقرر شدہ اجرت جبراً وصول کرنے کا حق ہے‘‘

حاصل کلام یہ ہے اصولی طور پر نکاح خوانی کی اجرت کا مستحق نکاح پڑھانے والا ہی ہوتا ہے وکیل گواہ مؤذن و مسجد وغیرہ کا دینا ضروری نہیں اور نہ ہی وہ اس کا حقدار ہوتا ہے۔

جیساکہ خاتم المحققین علامہ ابن عابدین شامی علیہ الرحمہ فرماتے ہیں۔

الاجرت انماتکون بمقابلت العمل 

( ردالمحتار جلد ٣٠٧ )

واللہ ورسولہ اعلم بالصواب 

كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال