وہابی دیوبندی کے جلسے میں جانا کیسا ہے؟

 (276)

وہابی دیوبندی کے جلسے میں جانا کیسا ہے؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمتہ اللہ وبرکاتہ 

کیا فرماتے ہیں علمائے دین و مفتیان شرع متین مسئلہ ذیل کے بارے میں کہ

وہابی دیوبندی کے جلسے میں جانا شرعاً کیسا ہے؟

اور جو شخص جائے اس پر شرعاً کیا حکم ہوگا؟

شرعی رہنمائی فرمائیں جزاک اللہ خیرا کثیرا 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سائل محمد عارف برکاتی بلرامپور  انڈیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمدہ و نصلی علی رسولہ الکریم 

وعلیکم السلام ورحمتہ اللہ وبرکاتہ 

اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ

دیوبندی وہابی کے جلسے میں جانا حرام ہے 

اور اگر کوئی شخص بھولے سے چلا جائے تو اسے چاہئیے کہ یاد آتے ہی فورا اجائے کیوں کہ ہو سکتا ہے وہ تمہیں فتنہ میں مبتلا کردیں 

اسی طرح کا سوال اعلی حضرت عظیم البرکت مجدد دین و ملت کنز الکرامات جبل الاستقامت حقانیت کی شان سنیوں کی جان احمد رضا خان علیہ الرحمہ والرضوان سے فتاوی رضویہ میں کیا گیا جس کے جواب میں آپ تحریر فرماتے ہیں 

ایسے جلسوں میں شریک ہونا قطعا حرام اور سخت مضر اسلام ہے۔

اللہ عزوجل فرماتاہے

واما ینسینک الشیطن فلا تقعد بعد الذکری مع القوم الظلمین،

اگر تجھے شیطان بھلادے تو یاد آنے پر ظالموں کے پاس مت بیٹھ۔( القرآن الکریم ۶ /۶۸)

اللہ تعالٰی ان کے پاس بیٹھنے کو شیطانی کام بتاتا ہے اور بھولے سے بیٹھ گیاہو تو یاد آنے پر فورا اٹھ آنے کا حکم فرماتا ہے نہ کہ ان کا وعظ ولکچر سننا، رسول اللہ صلی اللہ تعالٰی علیہ وسلم فرماتے ہیں 

ایاکم وایاھم لایضلونکم ولا یفتنونکم ۔

ان سےدور بھاگو انھیں اپنے سے دور کرو کہیں وہ تم کو گمراہ نہ کردین کہیں وہ تم کو فتنے میں نہ ڈال دیں

۔ (صحیح مسلم باب النہی عن الروایۃ عن الضعفاء الخ قدیمی کتب خانہ کراچی ۱ /۱۰) (فتاوی رضویہ جلد 21 ص 43) 

وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللہ تَعَالٰی عَلَیْہِ وَاٰلِہٖ وَسَلَّم

کتبتہ کنیز فاطمہ قادریہ رضویہ شہر کانپور فقہی مسائل برائے خواتین شرعی سوال و جواب

تصحیح و تصدیق حضرت مفتی محمد مجیب قادری حنفی العربی دار الافتاء البرکاتی علماء فاؤنڈیشن شرعی و جواب ضلع سرہا نیپال