کیاوضو کی حالت میں بھی انگلیاں چٹکانا مکروہ ہے اور وضو ٹوٹ جاتا ہے؟

 (277)

کیاوضو کی حالت میں بھی انگلیاں چٹکانا مکروہ ہے اور وضو ٹوٹ جاتا ہے؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمتہ اللّٰہ وبرکاتہ

کیا فرماتے ہیں علمائے دین و مفتیان شرع متین مسئلہ ذیل کے بارے میں 

 جس طرح نماز میں انگلیاں چٹکانا مکروہ ہے کیا اس طرح وضو کی حالت میں بھی انگلیاں چٹکانا مکروہ ہے کیا اس سے وضو باطل ہو جاتا ہے ؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ساںٔلہ:_مہر جان رانی بنور کرناٹک انڈیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمدہ ونصلی علی رسوله الکریم

وعلیکم السلام ورحمة الله وبرکاتہ 

الجواب بعونه تعالیٰ عزوجل

اگر کوئی شخص نماز میں نہ ہو اور نہ ہی نماز کے انتظار میں ہو تو کسی حاجت کے سبب مَثَلاً تھکن کے وقت انگلیوں کو راحت پہنچانے کیلئے اُنگلیاں چٹخانا مُباح یعنی بِلا کسی کراہت جائز ہے  مذکورہ صورت میں وضو کی حالت میں انگلیاں چٹکانے سے وضو نہیں ٹوٹے گا۔

ہاں نماز کے لیے جاتے وقت یا نماز کے انتظار میں ہوں تو  مکروہ ہیں۔

اسی طرح نماز میں انگلیوں کو چٹخانا اور تشبیک کرنا مکروہ ہے۔

فتاویٰ ھندیہ میں ہے:

 ویکرہ ان یشبك أصابعه وأن يفرقع کذا فی فتاوی قاضیخان، والفرقعة أن يغمزھا أو یمدھا حتی تصوت کذا فی النھایة، والفرقعة خارج الصلاة کرھها کثیر من الناس، کذا فی الزاھدی 

(فتاویٰ الھندیہ جلد اول ص ۱۱۷) 

رد المحتار علی درمختار میں ہے

(وفرقعۃ الاصابع )وتشبیکھا ولو منتظر الصلاۃاو ماشیا الیھا للنھی ولا یکرہ خارجھا لحاجۃ

 یعنی (نماز میں )انگلیوں کو چٹخانا اور تشبیک کرنا مکروہ ہے اگرچہ نماز کا انتظار کرتے ہوئے یا نماز کی طرف آتے ہوئے ایساکرے، اور اس کے علاوہ حاجت کے سبب ہو تو مکروہ نہیں ۔

اس کے تحت رد المحتار میں ہے :

وینبغی ان تکون تحریمیۃ للنھی المذکور۔۔۔فلو لدون حاجۃ بل علی سبیل العبث کرہ تنزیھا 

 یعنی چاہیے کہ کراہت سے کراہت ِ تحریمی مراد ہو مذکورہ ممانعت کی وجہ سے ۔ اور(اگر خارج ِ نماز میں ) بغیر حاجت کے (انگلیاں چٹخائے) تو یہ مکروہ تنزیہی ہے ۔(رد المحتار علی درمختار ،جلد:۲،ص:۴۹۴،مطبوعہ بیروت) 

سرکار اعلی حضرت امام احمد رضا خان علیہ الرحمۃ تحریر فرماتے ہیں:

 نماز میں انگلی چٹکانا گناہ وناجائز ہے یوں ہی اگرنماز کے انتظار میں بیٹھا ہے یانماز کیلئے جارہاہے اور ان کے سوا اگر حاجت ہو مثلًا انگلیوں میں بخارات کے سبب کسل پیدا ہوا توخالص اباحت ہے اور بے حاجت خلاف اولٰی وترک ادب ہے

۔(فتاویٰ رضویہ شریف جدید جلد ۴,ص۷۲۴)

بہار شریعت میں ہے

نماز کے لیے جاتے وقت اور نماز کے انتظار میں بھی یہ دونوں چیزیں  مکروہ ہیں اور اگر نہ نماز میں  ہے، نہ توابع نماز میں تو کراہت نہیں ، جب کہ کسی حاجت کے لیے ہوں (بہار شریعت ح سوم، ص ۶۲۹) 

والله و رسوله اعلم بالصواب

كتبته اسدیہ قادریہ بینی آباد مظفرپور بہار۔ گروپ خواتین کے مسائل کا شرعی حل

تصحیح و تصدیق حضرت مفتی محمد مجیب قادری حنفی العربی دار الافتاء البرکاتی علماء فاؤنڈیشن شرعی و جواب