اللہ ہر جگہ موجود ہے ایسا کہنا کیسا ہے؟

 (302)

اللہ ہر جگہ موجود ہے ایسا کہنا کیسا ہے؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

الســـلام علیکم ورحمۃ اللہ وبرکاتہ

کیا فرماتے ہیں علمائے دین و مفتیان شرع متین مسںٔلہ ذیل کے بارے میں

اللہ ہر جگہ موجود ہے ایسا کہنا کیسا ہے؟ 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ساںٔلہ:_شبنم کولکتہ انڈیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمدہ ونصلی علی رسوله الکریم

وعلیکم السلام ورحمة الله وبرکاتہ 

الجواب بعونه تعالیٰ عزوجل

اللہ تعالٰی جگہ اور جہت وغیرہ سے پاک و منزہ ہے ۔ کیونکہ جگہ میں وہ ہوتا جس کا جسم ہو، جبکہ اللہ تبارک وتعالی جسم سے پاک ہے۔لہذا الله تعالی ہر جگہ موجود ہے کہنا کلمہ کفر ہے۔ اگرچہ مسلمان کی مراد یہ ہوتی ہے کہ اللہ تعالی کا جلوہ ہر جگہ ، ہر ذرے میں ہے، مگر پھر بھی ایسا جملہ کہنے سے اجتناب لازم ہے جس کا ظاہر معنی کفر ہو۔ 

بہار شریعت میں ہے

ﷲ تعالیٰ جہت ومکا ن و زمان و حرکت و سکون و شکل و صورت و جمیع حوادث سے پاک ہے۔ ( بہار شریعت ح اول، ص ۲۱) 

فتاویٰ شارح بخاری میں ہے

یہ کہنا کہ اللہ تعالیٰ ہر جگہ ہے، ذرے ذرے میں ہے ، ضرور کلمہ کفر ہے ۔ حدیقہ ندیہ میں ہے: 

لو قال هكذا بالفارسية : 

نہ مکانی زتو خالی نہ تو در ہیچ مکانی فهكذا كفر 

کوئی چیز کسی چیز میں ہوتی ہے تو وہ چیز اس کو گھیرے رہتی ہے اور اللہ عزوجل کو کوئی چیز گھیر نہیں سکتی ۔ ارشاد ہے: 

وَكَانَ اللَّهُ بِكُلِّ شَيْ مُحِيطًا . 

اگر چہ صحیح یہ ہے کہ قاںٔل کافر نہ ہوگا، اس لیے کہ مسلمان کی مراد یہ ہوتی ہے کہ اس کا جلوہ ہر جگہ ، ہر ذرے میں ہے، مگر پھر بھی ایسا جملہ کہنے سے اجتناب لازم ہے جس کا ظاہر معنی کفر ہو (فتاویٰ شارح بخاری ج اول، ص ۱۱۴) 

والله و رسوله اعلم بالصواب

كتبته اسدیہ قادریہ بینی آباد مظفرپور بہار۔ گروپ خواتین کے مسائل کا شرعی حل

تصحیح و تصدیق حضرت مفتی محمد مجیب قادری حنفی العربی دار الافتاء البرکاتی علماء فاؤنڈیشن شرعی و جواب