خلوتِ صحیحہ سے پہلے طلاق ہو جائے تو کیا اس صورت میں عورت کو حق مہر ملے گا یا نہیں؟

 (303)

خلوتِ صحیحہ سے پہلے طلاق ہو جائے تو کیا اس صورت میں عورت کو حق مہر ملے گا یا نہیں؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

الســـلام علیکم ورحمۃ اللہ وبرکاتہ

کیا فرماتے ہیں علمائے دین و مفتیان شرع متین مسںٔلہ ذیل کے بارے میں

رخصتی سے پہلے طلاق ہو جائے اور میاں بیوی خلوتِ صحیحہ کے طور پر تنہائی میں ملاقات کر چکے ہوں لیکن میاں بیوی والے تعلقات قائم نہ کئے ہوں ، تو کیا اس صورت میں مہر پورا دینا شوہر پر لازم ہوگا ؟ اور اگر خلوتِ صحیحہ سے پہلے طلاق ہو جائے تو کیا اس صورت میں عورت کو حق مہر ملے گا یا نہیں؟ 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ساںٔلہ:_عصمت پروین دربھنگہ انڈیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمدہ ونصلی علی رسوله الکریم

وعلیکم السلام ورحمة الله وبرکاتہ 

الجواب بعونه تعالیٰ عزوجل

مذکورہ صورت میں خلوتِ صحیحہ ہوگئی تو پورا مہر لازم ہے ۔ خلوتِ صحیحہ یہ ہے کہ میاں بیوی ایک مکان میں اس طرح جمع ہوں اور کوئی چیز مانعِ جماع نہ ہو۔ اور اگر اگر خلوتِ صحیحہ سے پہلے جدائی ہوجائے تو مہر مقرر ہونے کی صورت میں آدھا مہر شوہر پر دینا واجب ہے۔

ارشادِ باری تعالیٰ ہے:

وَ اِنْ طَلَّقْتُمُوْهُنَّ مِنْ قَبْلِ اَنْ تَمَسُّوْهُنَّ وَ قَدْ فَرَضْتُمْ لَهُنَّ فَرِیْضَةً فَنِصْفُ مَا فَرَضْتُمْ اِلَّاۤ اَنْ یَّعْفُوْنَ اَوْ یَعْفُوَا الَّذِیْ بِیَدِهٖ عُقْدَةُ النِّكَاحِ

 اور اگر تم نے عورتوں کو بے چھوئے طلاق دے دی اور ان کے لیے کچھ مہر مقرر کرچکے تھے تو جتنا ٹھہرا تھا اس کا آدھا واجب ہے مگر یہ کہ عورتیں کچھ چھوڑدیں یا وہ زیادہ دے جس کے ہاتھ میں نکاح کی گرہ ہے۔(پارہ ۲,سورۃ البقرۃ،آیت ۲۳۷)

فتاویٰ رضویہ میں ہے

اگر قبل خلوت طلاق دی جائے گی آدھا مہر ساقط ہوجائے گا نصف واجب الادا ہوگا (فتاویٰ رضویہ ج ۱۱, ۲۸۲) 

بہار شریعت میں ہے

وطی یا خلوت صحیحہ یا دونوں  میں سے کسی کی موت ہو ان سب سے مہر مؤکد ہو جاتا ہے کہ جو مہر ہے اب اس میں  کمی نہیں ہو سکتی (بہار شریعت ۷, ص ۶۶) 

خلوتِ صحیحہ کی تعریف بیان کرتے ہوئے مفتی امجد علی اعظمی رحمۃ اللہ علیہ فرماتے ہیں:

خلوتِ صحیحہ یہ ہے کہ زوج زوجہ ایک مکان میں جمع ہوں اور کوئی چیز مانعِ جماع نہ ہو۔ (بہارِ شریعت، ح ۷, ص ٦٩) 

والله و رسوله اعلم بالصواب

كتبته اسدیہ قادریہ بینی آباد مظفرپور بہار۔ گروپ خواتین کے مسائل کا شرعی حل

تصحیح و تصدیق حضرت مفتی محمد مجیب قادری حنفی العربی دار الافتاء البرکاتی علماء فاؤنڈیشن شرعی و جواب