شادی کے موقع پر ہلدی لگانا کیسا ہے؟

 (306)

شادی کے موقع پر ہلدی لگانا کیسا ہے؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

الســـلام علیکم ورحمۃ اللہ وبرکاتہ

کیا فرماتے ہیں علمائے دین و مفتیان شرح متین مسںٔلہ ذیل کے بارے میں

شادی کے موقع پر ہلدی (ابٹن) لگانا شرعاً کیسا ہے؟ 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ساںٔلہ:_ ظویہ فاطمہ کولکتہ انڈیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمدہ ونصلی علی رسوله الکریم

وعلیکم السلام ورحمة الله وبرکاتہ 

الجواب بعونه تعالیٰ عزوجل

شادی کے موقع پر یا اس کے علاوہ لڑکا یا لڑکی کو خوبصورتی یا جلد کی صفائی کے لیے ہلدی (ابٹن) جس کو بعض جگہ پر بکوا کہتے ہیں لگانا جاںٔز ہے۔مگر اس رسم میں کوئی خلاف شرع کام نہ ہو۔ مثلاً مردوں اور عورتوں کا اختلاط، بے پردگی، پھر اجنبی عورتوں کا دولہے کو  ہلدی لگانا وغیرہ معاملات ہوں تو ایسی رسم ، ناجائز و حرام ہوگی کہ مذکورہ سب کام ناجائز و حرام ہیں۔

ہاں محرم عورتیں بالغ دولہا کو ابٹن بدن کے علاوہ حصے پر لگا سکتی ہیں۔ اور دلہن کو عورت ہی مہندی اور ابٹن لگا سکتی ہیں۔ 

فتاویٰ رضویہ میں ہے:

ابٹن ملنا جائز ہے اور کسی خوشی پر گڑ کی تقسیم اسراف نہیں اور دولھا کی عمر نو دس سال کی ہو تو اجنبی عورتوں کا اس کے بدن میں ابٹن ملنا بھی گناہ وممنوع نہیں۔ہاں بالغ کے بدن میں نامحرم عورتوں کا ملنا ناجائز ہے اور بدن کو ہاتھ تو ماں بھی نہیں لگا سکتی یہ حرام اور سخت حرام ہے۔اور عورت ومرد کے مذاق کا رشتہ شریعت نے کوئی نہیں رکھا یہ شیطانی وہندوانی رسم ہے۔(فتاویٰ رضویہ ج ۲۲,ص ۲۴۵) 

بہار شریعت میں ہے

دولھا، دلھن کو بٹنا لگانا، مائیوں بٹھانا،جائز ہے ان میں کوئی حرج نہیں۔دولھا کو مہندی لگانا، ناجائز ہے۔ یوہیں کنگنا باندھنا، ڈال بَری کی رسم کہ کپڑے وغیرہ بھیجے جاتے ہیں جائز۔ (بہار شریعت ح ۷, ص ۱۰۶) 

والله و رسوله اعلم بالصواب

كتبته اسدیہ قادریہ بینی آباد مظفرپور بہار۔ گروپ خواتین کے مسائل کا شرعی حل

تصحیح و تصدیق حضرت مفتی محمد مجیب قادری حنفی العربی دار الافتاء البرکاتی علماء فاؤنڈیشن شرعی و جواب