التحیات یاد نہ ہونے کی صورت میں پڑھی جانے والی نماز کا شرعا کیا حکم ہے؟

 (196)

التحیات یاد نہ ہونے کی صورت میں پڑھی جانے والی نماز کا شرعا کیا حکم ہے؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمت اللہ وبرکاتہ

کیا فرماتے ہیں علمائے دین و مفتیان شر متن مسئلہ زیل کے بارے میں  

 کچھ خواتین جو بوڑھی ہو گںٔی یعنی عمر زیادہ ہو چکی ہو یا کچھ ہٹے کتے بھی ہوتے ہیں لیکن ان عورتوں کو دعائے قنوت دعائے ماسورہ تشہد یہ سب پڑھنا نہ اتا ہو تو وہ خواتین نماز میں کیاپڑھے 

جواب دے کر ہماری رہنمائی فرمائیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ساںٔلہ:_رحمت فاطمہ گجرات انڈیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته

الجواب بعونه تعالي عز وجل 

1) اگر کسی شخص کو مشہور دعائے قنوت (: اللھم إنا نستعینک الخ ) یاد نہ ہو تو کوئی بھی دعا پڑھ لے، مثلاً : ربنا آتنا فی الدنیا حسنة وفی الآخرة حسنة وقنا عذاب النار، یا تین بار اللھم اغفرلي یا یا رب، یا رب ، یا رب کہہ لے ، واجب ادا ہوجائے گا؛ کیوں کہ وجوب کی ادائیگی کے لیے کوئی بھی دعا پڑھ سکتے ہیں، البتہ سنت یہ ہے کہ مشہور دعائے قنوت پڑھے۔

حاصل کلام یہ ہے کہ وتر میں دعائے قنوت کے لیے کوئی مخصوص دعا اس طور پر متعین نہیں کہ اگر وہ نہ پڑھی تو وتر ادا نہ ہو، البتہ  ’’اللّٰهم إنا نستعينك ...‘‘ الخ  جس کی احادیث میں بکثرت تاکید آئی ہے پڑھنا اولی ہے، اور اگر کسی کو دعائے قنوت یا نہ ہو  تو جب تک یاد نہ ہوجائے اس وقت تک(ربنا آتِنَا فِيْ الدُّنْيَا حَسَنَةً وَ فِيْ الآخِرَةِ حَسَنَةً وَ قِنَا عَذَابَ النَّارِ) اور اگر یہ بھی یاد نہ ہو تو تین بار (اَللّٰهُمَّ اغْفِرْ لَنَا)   پڑھ سکتا ہے، جیساکہ فتاوی ہندیہ میں ہے:

’وليس في القنوت دعاء مؤقت، كذا في التبيين. و الأولي أن يقرأ : اللّهم إنا نستعينك و يقرأ بعده اللّهم اهدنا فيمن هديت. و من لم يحسن القنوت يقول: "ربنا آتنا في الدنيا حسنة وفي الآخرة حسنة و قنا غذاب النار،كذا في المحيط. أو يقول: اللّهم اغفرلنا، و يكرر ذلك ثلاثاً، وهو اختيار أبي الليث، كذا في السراجية‘‘. (الباب الثامن في صلاة الوتر، ١/ ١١١، )

2) قعدہ اولیٰ اور قعدہ اخیرہ میں تشہد پڑھنا واجب ہے، اگر مکمل یا تشہد کا بعض حصہ نہیں پڑھا تو واجب کے چھوٹ جانے کی وجہ سے سجدہ سہو کرنا واجب ہوگا، لہذااگر کسی کوالتحیات یاد نہ ہو تو اسے چاہیے کہ وہ جلد از جلد التحیات یاد کر نے کی کوشش کرے، اگر یاد کرنے میں کوتاہی کرے گا تو گناہ گار ہوگا۔جتنی التحیات یاد ہو اسے پڑھ لینا چاہیے اور پھر قعدہ اخیرہ میں تشہد کی مقدار بیٹھنے کے بعد سجدہ سہو کر کے نماز پوری کر لیں۔

الدر المختار مع رد المحتار میں ہے 

"(والتشهدان) ويسجد للسهو بترك بعضه ككله، وكذا في كل قعدة في الأصح؛ إذ قد يتكرر عشراً.(قوله: والتشهدان) أي تشهد القعدة الأولى وتشهد الأخيرة"

الدر المختار مع رد المحتار: (466/1))

ہر نماز میں  تشہد کا پڑھنا واجب ہے فرض؛واجب؛ سنت؛ نفل؛ کوئی بھی نماز ہو؛  کسی قعدہ میں تشہد کا کوئی حصہ بھول جائے تو سجدہ سہو واجب ہے

  بہار شریعت حصہ سوم واجبات نماز کا بیان

{مطبوعہ دعوت اسلامی}

درود ابرایمی پڑھنا سنت ہے اور دعائے ماثورہ کا پڑھنا مستحب ہے۔

حاصل کلام یہ ہے کہ اگر کسی شخص نے نماز پڑھی اور  نماز میں کوئی واجب رہ گیا اور سجدہ سہو بھی نہیں کیا  تو وقت کے اندراس نماز کا اعادہ واجب ہو گا اور اس نماز کا وقت کے گزر جانے کے بعد وجوب اعادہ ساقط ہو جائے گا،البتہ توبہ و استغفار لازم ہو گا اور اس نماز کا اعادہ کرنا مستحب ہو گا، نیزلوٹائی جانے والی نماز فرض ہی کی نیت سے ادا کی جائے گی، نہ کہ نفل کی نیت سے۔ اور اگركوئي  فرض، نماز ميں  ره جائے تو اس کا حکم یہ ہے کہ  نماز کا دہرانا ہر حال میں فرض ہے۔اور اگر کوئی واجب جان بوجھ كر چھوڑ ديا تو  اس كا حكم يه هے كه اس كا دهرانا وقت ميں اور وقت کے بعد دونوں صوررتوں واجب ہے

مذکورہ صورت میں پڑھی گئی فرض نماز مکروہ تحریمی کے ساتھ ادا ہوگئی۔ترک واجب کی وجہ سے گناہ ہوا توبہ کرے پڑھی گئی سب نمازکااعادہ ضروری نہیں۔ہاں التحیات لازمی یاد کریں 

حاشية الطحطاوي على مراقي الفلاح شرح نور الإيضاح میں ہے 

كل صلاة أديت مع كراهة التحريم تعاد أي وجوباً في الوقت، وأما بعده فندب ".

(حاشية الطحطاوي على مراقي الفلاح شرح نور الإيضاح (ص: 440)

الدر المختار وحاشية ابن عابدين (رد المحتار) میں ہے 

[تنبيه] يؤخذ من لفظ الإعادة ومن تعريفها بما مر أنه ينوي بالثانية الفرض؛ لأن ما فعل أولاً هو الفرض فإعادته فعله ثانياً؛ أما على القول بأن الفرض يسقط بالثانية فظاهر؛ وأما على القول الآخر فلأن المقصود من تكريرها ثانياً جبر نقصان الأولى، فالأولى فرض ناقص، والثانية فرض كامل مثل الأولى ذاتاً مع زيادة وصف الكمال، ولو كانت الثانية نفلاً لزم أن تجب القراءة في ركعاتها الأربع، وأن لا تشرع الجماعة فيها ولم يذكروه، ولا يلزم من كونها فرضاً عدم سقوط الفرض بالأولى؛ لأن المراد أنها تكون فرضاً بعد الوقوع، أما قبله فالفرض هو الأولى"(الدر المختار وحاشية ابن عابدين (رد المحتار) (2/ 65)

واللہ ورسولہ اعلم بالصواب 

كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال