فرض نماز میں سورت نہ ملانے پر شرعا کیا حکم ہے؟

 (197)

فرض نماز میں سورت نہ ملانے  پر شرعا کیا حکم ہے؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمتہ اللہ وبرکاتہ 

کسی بہن کو کسی کتاب سے دیکھ یہ بتایا گیا کہ فرض کی چار رکعت والی نماز میں پہلی دو رکعت میں سورہ نہ ملائیں تو کوئی حرج نہیں کئی سال بعد کسی سے مسئلہ دریافت کیا تو معلوم ہوا کہ سرہ ملانا واجب ان کے سننے میں غلطی ہوئی ہے لاعلمی میں وہ ایسے ہی نماز پڑھتی رہیں تو نماز کا کیا حکم ہے ؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سائلہ فرحت فاطمہ رضویہ بنارس انڈیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل 

نمازمیں قرآن کریم کی صرف ایک آیت ( کسی سورت کی تخصیص کے بغیر) سورہ فاتحہ سے خواہ اس کے علاوہ کسی اورسورت سے پڑھنا فرض ہے لہذااگرکوئی فقط " اَلۡحَمْدُ لِلہِ رَبِّ الْعٰلَمِیۡنَ"پڑھ کررکوع میں چلاگیا تونمازکافرض اداہوگیالیکن واجبات رہ گئے اور نمازناقص ہوئی۔جبکہ پوری سورہ فاتحہ اوراس کے ساتھ تین چھوٹی چھوٹی آیتیں یاایک بڑی آیت جوتین چھوٹی آیتوں کے برابرہوپڑھنایہ دونوں مستقل طورپرالگ الگ واجب ہیں جس میں کمی ہوئی تو نماز ہوجائے گی یعنی فرض اداہوجائے گا لیکن ترک واجب کی وجہ سے نقص لازم  آئے گا پھر اگر یہ ترک واجب بھول کرہوا تو سجدہ سہو واجب ہوگا اورسجدہ سہو سے نماز مکمل ہوجائے گی اور قصداترک کیاہے تو نماز مکروہ تحریمی ہوگی اوراس کادوبارہ پڑھنا واجب ہوگا ،اوربلا عذر ایسا کرنے سے  گنہگار بھی ہوگا۔ اس تفصیل سے معلوم ہوگیاکہ مطلقاقراءت جوفرض ہے وہ ایک آیت کی تلاوت سے بھی پوراہوجائے گااورسورہ فاتحہ اوراس کے ساتھ تین آیتوں کی تلاوت واجب ہے فرض نہیں۔

واللہ ورسولہ اعلم بالصواب 

كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال