کیا وراثت میں بیٹی اپنا حصہ معاف کردے تو کیا معاف ہوتا ہے؟

 (190)

کیاوراثت میں بیٹی اپناحصہ معاف کردےتوکیامعاف ہوتاہے؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمۃ اللہ وبرکاتہ 

کیا فرماتے ہیں علمائے دین و مفتیان شرع متین اس مسئلہ میں باپ کی ملکیت میں بیٹی کا کتنا حصہ ہوتا ہے اور بیٹی معاف کر دے تو کیا معاف ہو جاتا ہے  شرعی رہنمائی فرمائیں جزاک اللہ خیرا کثیرا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سائل اشرف اگرہ انڈیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل 

 بیٹوں کا حصہ بیٹیوں کے بنسبت دوگنا ہوتا ہے باقی تفصیلی جواب کے لئے مرحوم  کی تعیین اور اس کے ورثاءکی تفصیل بتا کر مکمل حصص مع فیصد معلوم کر لی جائے۔

قرآن کریم میں ہے

يُوْصِيْكُمُ اللّٰهُ فِيْٓ اَوْلَادِكُمْ ۤ لِلذَّكَرِ مِثْلُ حَظِّ الْاُنْثَيَيْنِ"(سورۃ النساء،آیہ:11)

ترجمہ:اللہ تعالیٰ تم کو حکم دیتا ہے تمہاری اولاد کے باب میں لڑکے کا حصہ دو لڑکیوں کے حصہ کے برابر"واضح رہے کہ والدین مرحومین کے ترکہ میں جس طرح بیٹے حصہ دار ہوتے ہیں، اسی طرح مرحومین کی بیٹیاں بھی اپنے شرعی حصے کی حقدار ہوتی ہیں،

بہنوں کی دلی رضامندی کے بغیر محض مروّتاً یا بھائیوں کا ناراضگی اور قطعِ تعلقی کے خوف سے اپنا حصہ معاف کرنے کا کوئی اعتبار نہیں، البتہ اگر بہنیں واقعۃً دلی طور پر اپنا حصہ اپنےبھائیوں کو دینے پر رضامند ہوں تو اس کے لۓ یہ صورت اختیار کی جا سکتی ہے کہ ترکہ میں موجود رقم تقسیم کر کے ہر بہن کو اس کا حصہ حوالہ کیا جائے، پھر اگر ہر بہن اپنی مرضی سے اپنا حصہ کسی ایک بھائی کو دینا یا تمام بھائیوں پر تقسیم کرنا چاہے تو اس کا انہیں اختیار ہے، جبکہ ترکہ میں موجود رقم تقسیم کر کے ہر بہن کو اس کا حصہ حوالہ کرنے سے قبل بہنوں کی طرف سے محض زبانی کلامی معافی معتبر نہیں اوراس سےان کاحصہ بھی ساقط نہ ہوگا

فی الفتاویٰ الخیریة: سئل فی رجل مات عن أم وأولاد وزوجة وترك میراثا فقبل قسمته أشهدت الأم علی أنها إنما لا تستحق قبلهم حقا ولا إرثا وابرأت ذمتهم ولم تتمرض لا سقاط ما تستحقه من الترکة فهل هذا الإبراء یشتمل ما تستحق من الترکة قبل قسمتهما (أجاب) صرح علماءنا بان الإرث لا یصح اسقاطه (إلی قوله) ولو قال وارث ترکت حقی لم یبطل حقه لأن لملك لا یبطل اھ(۲/ ۹۹)۔

وفی تكملة ردالمحتار علی الدرالمختار: وفی الارث جبري لا يسقط بالاسقاط.

( 11/678)۔

وفی شرح الأشباه والنظائر: لو قال الوارث:تركت حقي لم يبطل حقه إذ الملك لا يبطل بالترك(3/52)

واللہ ورسولہ اعلم بالصواب 

كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال