(191)
اگر کوئی شخص شرعی مسافر ہو تو کیا امامت کی جگہ پہنچنے پر قصر کرے گا؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمۃ اللہ وبرکاتہ
کیا فرماتے ہیں علمائے دین و مفتیان شرع متین اس مسئلہ میں ائمہ حضرات جو امامت کی غرض سے 100/200 کلومیٹر کی دوری پر جاتے ہیں امامت کی بات کرنے کے لیے یا کوئی امام پہلے سے امامت کرتا ہے لیکن گھر سے دس دن کے لیے امامت پر گیا اور واپس اگیا تو کیا یہ لوگ قصر نماز پڑھائیں گے یا پوری شرعی رہنمائی فرمائیں جزاک اللہ خیرا کثیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سائل اشرف اگرہ انڈیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم
وعلیکم السلام ورحمة الله وبركاته
الجواب بعونه تعالي عز وجل
شرعی اعتبار سے مسافر وہ شخص ہے جو کم از کم 48 میل (تقریباً سوا 92 کلومیٹر) مسافت کے ارادے سے اپنے علاقے سے باہر سفر پر روانہ ہو چکا ہو۔ اس پر واجب ہے کہ فقط فرض نماز میں قصر کرے یعنی چار رکعت فرض والی نماز میں دو فرض پڑھے۔
کسی جگہ اقامت کے لۓ پندرہ دن یا اس سے زائد کے لۓ یکمشت ٹھہرنے کی نیت ضروری ہے ، لہذا صورتِ مسئولہ میں مذکور شخص اپنی نماز میں قصر ہی کرے گا۔
اگر کوئی شخص پہلے سے امامت کر رہیں ہوں تو گھر سے نکلنے کے بعد امامت کی جگہ اگر 15 دن ٹھہرنے کی نیت نہ ہو تو وہ امامت کی جگہ بھی قصر کرے گا۔
فی الفتاوى الهندية ۔
و إن نوى الإقامة أقل من خمسة عشر يوما قصر ، هكذا في الهداية . و لو بقي في المصر سنين على عزم أنه إذا قضى حاجته يخرج و لم ينو الإقامة خمسة عشر يوما قصر ، كذا في التهذيب اھ (1/ 139)
شرعی اصطلاح میں وطن کی تین اقسام ہیں :
۔1) وطن اصلی
۔2) وطن اقامہ
۔3)،وطن سکنیٰ
کسی شخص کے لیے وطن اصلی سے مراد وہ جگہ ہے جہاں پر اس کی پیدائش ہوئی اور وہ اپنے اہل و عیال کے ساتھ رہتا ہو۔
وطن اقامہ سے مراد وہ جگہ ہے جہاں 15 دن یا اس سے زیادہ قیام ہو۔
وطن سکنیٰ ہے اس سے مراد وہ جگہ ہے جہاں 14 دن یا اس سے کم ٹھہرا جائے۔
وطن اصلی اور وطن اقامت میں پوری نماز پڑھنا فرض ہے، جبکہ وطن سکنیٰ میں قصر نماز پڑھنا ضروری ہے۔ وطنِ سکنیٰ میں چار رکعت فرض کی بجائے دو رکعت فرض پڑھنا ہے۔ اگر چار رکعت فرض قصداًپڑھےگا تواس سےگنہگار ہوگا۔
واللہ ورسولہ اعلم بالصواب
كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
0 تبصرے