گوشت تول کر عقیقہ کی نیت سے بکرا ذبح کرانا کیسا ہے؟

 (188)

گوشت تول کر عقیقہ کی نیت سے بکرا ذبح کرانا کیسا ہے؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمۃ اللہ وبرکاتہ

کیا فرماتے ہیں علمائے دین اس مسئلہ کے بارے میں کہ زید عقیقہ کرنا چاہتا ہے مگر بایں طور کہ وہ بکرے کا صرف گوشت قصاب سے لے گا اور جانور ذبح ہونے کے بعد تول کے اعتبار سے روپیہ دے گا اور باقی غلیظ چیزیں وہ قصاب سے نہیں لے گا تو آیا اس طرح سے اس کا عقیقہ ہوجائے گا یا کچھ کراہت ہے اس میں ؟کوئی حوالہ یا جزیہ مل تو عین نواز ہوگی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سائل ریاض احمد القادری الفیضی گونڈوی انڈیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل 

عقیقہ کی مذکورہ صورت جائز نہیں ہے۔چونکہ قربانی یا عقیقہ کے لیے ذبح کرتے وقت ضروری ہے کہ جانور اس کی ملکیت میں ہو جو قربانی یا عقیقہ کررہا ہے۔ صورت مسئولہ میں جانور قصائی کی ملکیت ہے، ذبح ہونے کے بعد جب وزن کرکے خریداری ہوگی تب خریدار کی ملکیت بنے گا، پس اس پر عقیقہ کی نیت صحیح نہیں ہوئی۔

ما في البدائع:

والثاني ملك المحل وهو أن يكون المضحي ملك من عليه الأضحية فإن لم يكن لا تجوز لأن التضحية قربة ولا قربة في الذبح بملك الغير بغير إذنه وعلى هذا يخرج ما إذا اغتصب شاة إنسان فضحى بها عن نفسه أنه لا تجزيه لعدم الملك.(كتاب التضحية،6317،)

وفي الشامية۔

قال في البدائع:غصب شاة فضحى بها عن نفسه أنه لا تجزئه لعدم الملك.

(كتاب الأضحية،4547،)

واللہ ورسولہ اعلم بالصواب 

كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال