تصویر والا کپڑا پہننا کیسا یے؟

 (222)

تصویر والا کپڑا پہننا کیسا یے؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمتہ اللہ وبرکاتہ 

کیا فرماتے ہیں علمائے دین و مفتیان شرع متین اس مسٔلہ میں کہ ذید کی سرکاری نوکری ہے اور وہ جس کپڑے میں رہتے ہیں اس پر جاندار کی تصویر بنی رہتی ہےاور اس کا بدلنا مشکل کام ہے تو کیا اسی کپڑے میں نماز پڑھنے کی اجازت ہوگی یا نہیں ؟ نیز یہ بھی بتایا جاۓکہ جاندار کی تصویر کے سامنے نماز پڑھنا کیسا ہے اور اس نماز کا کیا حکم ہے ؟اور کیا تصویر کھینچنا کھینچنوانا حرام ہے اس کا حرام ہونا قرآن وحدیث سے ثابت ہے 

قرآن وحدیث کی روشنی میں آسان الفاظ میں جلد از جلد جواب عنایت فرمائیں اور ہماری رہنمائی کریں 

بڑی نوازش ہوگی 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

العارض محمد مشتاق احمد صاحب ناسک مہاراشٹر الھند

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل

۔1) جاندار کی تصویر والا کپڑا 

پہننا شرعا ناجائز ہے، اس لئے کہ اس میں کئی قسم کی قباحت ہیں، احادیث مبارکہ کی رو سے نفس تصویر جاندار پر ہی بہت شدید قسم کی وعید وارد ہوئیں ہیں، پھر تصاویر کو باقاعدہ زیب تن  کرنے کے استعمال کرنا اور  زیادہ شدید گناہ کا باعث ہے، نیز حضور صلی اللہ علیہ وآلہ وسلم کا فرمان ہے کہ: رحمت کے فرشتے اس گھر میں داخل نہیں ہوتے جس میں کتا یا تصویر (جاندار) ہو، اب اس شرٹ یا کپڑے کا استعمال کریں گے تو مسلسل رحمت سے دوری کا سبب ہے، ایک اور حدیث میں  ہے  کہ نبی کریم صلی اللہ علیہ وآلہ وسلم گھر میں ایسی کوئی چیز دیکھتے جس میں جاندار کی تصویر ہو تو اسے توڑ دیتے (یعنی تلف کردیتے)، لہذا ان فرامین کی رو سے ایسے کپڑے استعمال قطعاً نہ کریں۔ ۔مذکورہ جاب چھوڑ کر کوئی دوسرا جاب کریں۔ 

مشکاۃ المصابیح میں ہے

عن أبي طلحة قال: قال النبي صلى الله عليه وسلم: لا ‌تدخل ‌الملائكة ‌بيتا ‌فيه ‌كلب ‌ولا ‌تصاوير. 

۔(‌‌كتاب اللباس‌‌، باب التصاوير‌‌، الفصل الأول: 2/ 1273، ط: المكتب الإسلامي، بيروت)

مرقاۃ المفاتیح میں ہے

وعن عائشة "أن النبي صلى الله عليه وسلم لم ‌يكن ‌يترك ‌في ‌بيته شيئا فيه تصاليب"): أي تصاوير كما في رواية (إلا نقضه): أي أزال ذلك الشيء أو قطعه والنقض في الأصل إبطال أجزاء البناء. 

۔(‌‌كتاب اللباس‌‌، باب التصاوير‌‌: 7/ 2849،  ط: دار الفكر، بيروت، لبنان)

فتاوی شامی میں ہے

(قوله ولبس ثوب فيه تماثيل) عدل عن قول غيره تصاوير لما في المغرب: الصورة عام في ذي الروح وغيره، والتمثال خاص بمثال ذي الروح ويأتي أن غير ذي الروح لا يكره قال القهستاني: وفيه إشعار بأنه لا تكره صورة الرأس، وفيه خلاف كما في اتخاذها كذا في المحيط، قال في البحر: وفي الخلاصة وتكره التصاوير على الثوب صلى فيه أو لا انتهى، وهذه الكراهة تحريمية. وظاهر كلام النووي في شرح مسلم الإجماع على تحريم تصوير الحيوان، وقال: وسواء صنعه لما يمتهن أو لغيره، فصنعته حرام بكل حال لأن فيه مضاهاة لخلق الله تعالى، وسواء ‌كان ‌في ‌ثوب ‌أو ‌بساط أو درهم وإناء وحائط وغيرها اهـ فينبغي أن يكون حراما لا مكروها إن ثبت الإجماع أو قطعية الدليل بتواتره اهـ كلام البحر ملخصا.

۔(‌‌كتاب الصلاة‌‌، باب ما يفسد الصلاة وما يكره فيها: 1/ 647،)

۔2) جس لباس پرجاندار کی ایسی تصویر ہو جس میں اُس کا چہرہ موجود ہو اور وہ  تصویر اتنی بڑی ہو کہ زمین پر رکھ کر کھڑے ہو کر دیکھیں تو  چہرہ واضح ہو  تو  ایسا لباس  پہننا شرعاً جائز نہیں،اور ایسے لباس میں نماز پڑھنا مکروہ تحریمی ہے جس کو دوبارہ   پڑھنا واجب ہے۔

۔3) جس کمرے میں جاندار کی تصویر نمازی کے سامنے یا دائیں بائیں ہو اور بڑی ہونے کی وجہ سے واضح نظر آتی ہو خواہ وہ کسی بھی جاندار کی تصویر ہو وہاں نماز پڑھنا مکروہ ہے اس جگہ نماز پڑھنے سے احتراز لازم ہے، تاہم اگر ان تصاویر کو فوری طور پر ہٹانا ممکن نہ ہو تو ان پر کپڑا وغیرہ ڈال کر چھپانے کے بعد اس کمرے میں نماز پڑھنا بلاکراہت درست ہوگا۔

کما فی رد المحتار: وکرہ (التربع) إلی قولہ (ولبس ثوب فیہ تماثیل) ذی روح وان یکون فوق رأسہ أو بین یدیہ أو بحذائہ) یمنۃ او یسرۃ أو محل سجودہ (تمثال) ولو فی وسادۃ منصوبہ لا مفروشہ۔ وفی الشامیۃ (قولہ فوق رأسہ) أی فی السقف معراج (قولہ تمثال) أی مرسوم فی جدار أو غیرہ او موضوع او معلق۔ الخ (ج۱، ص۶۴۷) 

۔4) دستی تصویر بنانا یا بنوانا حرام یے ۔ البتہ ڈیجیٹل تصویر کے بارے میں علماء کا اختلاف ہے۔ بعض حرام کہتے ہیں اور بعض جواز کے قائل ہیں۔ 

واللہ ورسولہ اعلم بالصواب 

كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال